മലപ്പുറത്ത് ആണ്‍കുട്ടിയെ പീഡിപ്പിച്ച 34കാരൻ സിസിടിവി ദൃശ്യങ്ങളിൽ കുടുങ്ങി; കുപ്പിവളവിൽ നിന്ന് അറസ്റ്റിൽ 

പരപ്പനങ്ങാടിയില്‍ പ്രായപൂര്‍ത്തിയാകാത്ത ആണ്‍കുട്ടിയെ ലൈംഗിക പീഡനത്തിനിരയാക്കിയ കേസിലാണ് വളാഞ്ചേരി സ്വദേശിയായ യുവാവിനെ പരപ്പനങ്ങാടി പോലീസ് അറസ്റ്റ് ചെയ്തത്. കേസ് രജിസ്റ്റര്‍ ചെയ്ത സമയം പ്രതിയെ കുറിച്ച് ഒരു വിവരവും ലഭ്യമല്ലാതിരുന്നതിനാല്‍ സിസിടിവി ദൃശ്യങ്ങള്‍ കേന്ദ്രീകരിച്ചായിരുന്നു അന്വേഷണം.

ശേഷം ഊര്‍ജിത അന്വേഷണത്തിനൊടുവില്‍ പരപ്പനങ്ങാടിയിലെ കുപ്പിവളവ് എന്ന സ്ഥലത്ത് നിന്നാണ് ഷൗക്കത്തലി പിടിയിലായത്. മേലാറ്റൂര്‍, പട്ടാമ്പി സ്റ്റേഷനുകളിലായി പ്രതി മുന്‍പും സമാനമായ മൂന്നോളം കേസുകളില്‍ പ്രതിയാണെന്ന് പോലീസ് പറഞ്ഞു. പരപ്പനങ്ങാടി സിഐ നവീന്‍ ഷാജിന്റെ നേതൃത്വത്തില്‍ എസ്ഐ ശ്യാം, എഎസ്ഐ റിന, എസ്സിപിഒമാരായ ജയേഷ്, പ്രഭീഷ് എന്നിവര്‍ അന്വേഷണ സംഘത്തില്‍ ഉണ്ടായിരുന്നു.