ആറുവയസുകാരിയെ ലൈംഗികമായി പീഡിപ്പിച്ച യുവാവും സഹായം ചെയ്ത പെൺസുഹൃത്തും അറസ്റ്റിൽ
- Published by:Rajesh V
- news18-malayalam
Last Updated:
നെയ്യാറ്റിൻകര മാറനല്ലൂർ സ്വദേശികളായ ഷിർഷാദ് (29), സീത (48) എന്നിവരെയാണ് പോക്സോ കേസിൽ ശ്രീകാര്യം പൊലീസ് അറസ്റ്റ് ചെയ്തത്
തിരുവനന്തപുരം ശ്രീകാര്യത്ത് ആറു വയസ്സുകാരിയെ ലൈംഗികമായി ദുരുപയോഗം ചെയ്ത കേസിൽ യുവാവും ഒത്താശ ചെയ്ത യുവതിയും അറസ്റ്റിൽ. നെയ്യാറ്റിൻകര മാറനല്ലൂർ സ്വദേശികളായ ഷിർഷാദ് (29), സീത (48) എന്നിവരെയാണ് പോക്സോ കേസിൽ ശ്രീകാര്യം പൊലീസ് അറസ്റ്റ് ചെയ്തത്. തൊട്ടടുത്ത അപ്പാർട്ടുമെൻ്റിലെ ആറുവയസുകാരിയെ ആണ് ഷിർഷാദ് ലൈംഗികമായി ദുരുപയോഗം ചെയ്തത്.
ഇതും വായിക്കുക: കൊല്ലത്ത് ബസിൽ 8 കിലോ കഞ്ചാവുമായി യുവതി ഉൾ‌പ്പെടെ നാലുപേര്‍ പിടിയിൽ
അപ്പാർട്ടുമെൻ്റിലെ താമസക്കാരിയായ സീതയുടെ സുഹൃത്താണ് ഷിർഷാദ്. അടുത്ത താമസക്കാരായതിനാൽ പരിചയമുള്ള കുട്ടി കളിക്കാനായി ഇവിടെയെത്തിയപ്പോഴാണ് ഷിർഷാദ് സ്നേഹം നടിച്ച് കുട്ടിയെ ദുരുപയോഗം ചെയ്തത്. ഇത് മനസ്സിലാക്കിയ രക്ഷകർത്താക്കൾ ശ്രീകാര്യം പൊലീസിൽ പരാതി നൽകി. പൊലീസ് നിർദേശിച്ചതനുസരിച്ച് ചൈൽ വെൽഫെയർ കമ്മിറ്റിയിലെത്തിച്ച കുട്ടിയുടെ മൊഴി രേഖപ്പെടുത്തി.
തുടർന്നായിരുന്നു ഒളിവിൽ പോയ ഇവരെ ഇന്നലെ രാത്രി ശ്രീകാര്യം പൊലീസ് പിടികൂടിയത്. കുട്ടിയെ ദുരുപയോഗം ചെയ്ത ഷിർഷാദിന് ഒത്താശ ചെയ്തതിനാണ് സീതയേയും പ്രതിചേർത്തത്. പ്രതികളെ വഞ്ചിയൂർ കോടതിയിൽ ഹാജരാക്കി.
advertisement
Summary: A man and a woman have been arrested in Sreekaryam, Thiruvananthapuram, in connection with the sexual abuse of a six-year-old girl. Shirshad (29) and Seetha (48), both residents of Maranalloor, Neyyattinkara, were arrested by Sreekaryam police under the POCSO Act.
Location :
Thiruvananthapuram [Trivandrum],Thiruvananthapuram,Kerala
First Published :
September 18, 2025 1:06 PM IST
മലയാളം വാർത്തകൾ/ വാർത്ത/Crime/
ആറുവയസുകാരിയെ ലൈംഗികമായി പീഡിപ്പിച്ച യുവാവും സഹായം ചെയ്ത പെൺസുഹൃത്തും അറസ്റ്റിൽ
