ബംഗളൂരുവിൽ ജോലി കഴിഞ്ഞു മടങ്ങിയ വനിതാ ഡോക്ടറെ വഴിയിൽ തടഞ്ഞുനിർത്തി ഉപദ്രവിക്കാൻ ശ്രമിച്ച യുവാവ് അറസ്റ്റിൽ

ബംഗളൂരു: ജോലി കഴിഞ്ഞ് മടങ്ങുകയായിരുന്ന വനിതാ ഡോക്ടറെ വഴിയിൽ തടഞ്ഞുനിർത്തി ഉപദ്രവിക്കാൻ ശ്രമിച്ച പ്രതി അറസ്റ്റിൽ. വിനോദ് എന്ന യുവാവാണ് പിടിയിലായത്. സൊളദേവനഹള്ളി പോലീസാണ് പ്രതിയെ പിടികൂടിയത്. ഡിസംബർ 17-ന് പുലർച്ചെ വടക്കൻ ബംഗളൂരുവിലെ ചിക്കബാനവര എജിബി ലേഔട്ടിലായിരുന്നു സംഭവം. ഹെസരഘട്ട റോഡിലെ സ്വകാര്യ ആശുപത്രിയിൽ നൈറ്റ് ഷിഫ്റ്റ് കഴിഞ്ഞ് തന്റെ പിജി താമസസ്ഥലത്തേക്ക് മടങ്ങുകയായിരുന്നു ഡോക്ടറെ ബൈക്കിലെത്തിയ പ്രതി ബസ് സ്റ്റോപ്പ് എവിടെയാണെന്ന് ചോദിച്ചാണ് തടഞ്ഞുനിർത്തിയത്. തുടർന്ന് ഇയാൾ യുവതിയോട് അശ്ലീലമായി പെരുമാറുകയും ഉപദ്രവിക്കാൻ ശ്രമിക്കുകയും ചെയ്തു.