കെഎസ്ആർടിസി ബസ്‌ സ്റ്റാൻഡിൽ വച്ച് പെൺകുട്ടിയോട് അശ്ലീലം പറഞ്ഞ യുവാവിന്റെ തല അടിച്ചു പൊട്ടിച്ച് ആൺസുഹൃത്ത്

തിരുവല്ല: കെ.എസ്.ആർ.ടി.സി. ബസ്‌ സ്റ്റാൻഡിൽ പെൺകുട്ടിയോട് അശ്ലീലം പറഞ്ഞ യുവാവിന്റെ തല പെൺകുട്ടിയുടെ സുഹൃത്ത് അടിച്ചു പൊട്ടിച്ചു. തിങ്കളാഴ്ച രാവിലെ 10 മണിയോടെയാണ് സംഭവം. ചങ്ങനാശ്ശേരി സ്വദേശിയായ വിഷ്ണുവിനാണ് (27) പരിക്കേറ്റത്. ബസ് കാത്തുനിന്ന പെൺകുട്ടിയോട് വിഷ്ണു മോശമായി പെരുമാറിയെന്നും അശ്ലീല പരാമർശം നടത്തിയെന്നും ആരോപിച്ചായിരുന്നു മർദനം. വിഷ്ണു മോശമായി പെരുമാറിയ വിവരം പെൺകുട്ടി തന്റെ ആൺസുഹൃത്തിനെ ഫോൺ വഴി വിളിച്ച് അറിയിക്കുകയായിരുന്നു.