സ്വർണമിശ്രിതം തുന്നിയ ജീൻസ് ധരിച്ച് വിദേശത്ത് നിന്നെത്തിയ യുവാവ് പിടിയിൽ

ജീൻസിന്റെ അടിഭാ​ഗത്ത് രണ്ടു പായ്ക്കറ്റുകളില്‍ 340 ഗ്രാം  തുന്നിപ്പിടിപ്പിച്ച നിലയിലാണ് സ്വർണമിശ്രിതം കണ്ടെത്തിയത്. ഇതില്‍ 300 ഗ്രാം ശുദ്ധസ്വര്‍ണം അടങ്ങിയിട്ടുണ്ടാകാനാണ് സാധ്യത. അങ്ങനെയെങ്കില്‍ 26 ലക്ഷത്തിലധികം രൂപ വിലവരുന്ന സ്വർണമിശ്രിതമാണ് ജീൻസിന്റെ അടിഭാ​ഗത്ത് നിന്ന് കണ്ടെത്തിയത്. കസ്റ്റംസ് പരിശോധന കഴിഞ്ഞ് പുറത്തിറങ്ങിയ ഇയാളെ ജില്ലാ പോലീസ് മേധാവി ആര്‍. വിശ്വനാഥിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ പിടികൂടി പരിശോധിക്കുകയായിരുന്നു. മിസ്ഫറിനെ വിശദമായി ചോദ്യംചെയ്തുവരുകയാണ്. സ്വര്‍ണക്കടത്തിനു പിന്നിലുള്ളവരെ കണ്ടെത്താനുള്ള ശ്രമം തുടരുകയാണെന്നും പോലീസ് അറിയിച്ചു.