കഞ്ചാവടിച്ച് വീട്ടില്‍ അതിക്രമിച്ച് കയറി ഭിന്നശേഷിക്കാരിയെ പീഡിപ്പിക്കാൻ ശ്രമിച്ച യുവാവിനെ നാട്ടുകാര്‍ മർദിച്ച് മൃതപ്രായനാക്കി

ബെംഗളൂരുവിൽ ഭിന്നശേഷിക്കാരിയായ യുവതിയ ലൈംഗിക പീഡനത്തിന് ഇരയാക്കാൻ ശ്രമിച്ച 28കാരനെ നാട്ടുകാർ പിടികൂടി മർദിച്ച് മൃതപ്രായനാക്കി. നവംബർ 10ന് അഡുഗോയിലാണ് സംഭവം. ധ്യാഡു എന്നറിയപ്പെടുന്ന വിഘ്‌നേഷ് എന്നയാളാണ് പ്രതിയെന്ന് തിരിച്ചറിഞ്ഞു. സംഭവം നടക്കുമ്പോൾ സംസാരശേഷിയില്ലാത്തതും ശാരീരികവെല്ലുവിളികൾ നേരിടുകയും ചെയ്തിരുന്ന യുവതി വീട്ടിൽ തനിച്ചായിരുന്നുവെന്ന് പോലീസ് പറഞ്ഞു. യുവതിയുടെ കുടുംബം ഒരു വിവാഹത്തിൽ പങ്കെടുക്കാൻ പോയതായിരുന്നു. രാവിലെ 11 മണിയോടെ ഇവിടെയെത്തിയ യുവാവ് കഞ്ചാവ് ലഹരിയിലായിരുന്നു. തുടർന്ന് വീടിനുള്ളിൽ അതിക്രമിച്ചു കയറി വാതിൽ അകത്തുനിന്ന് പൂട്ടി. ഇതിന് ശേഷം യുവതിയുടെ വസ്ത്രങ്ങൾ പ്രതി അഴിച്ചുമാറ്റി.