മറ്റൊരു വിവാഹം കഴിച്ചതിന് യുവാവിനെ മുൻകാമുകിയും വീട്ടുകാരും ചേർന്ന് തട്ടിക്കൊണ്ടുപോയി

ചെന്നൈ: വിവാഹിതനായ യുവാവിനെ തട്ടിക്കൊണ്ടുപോയി നിർബന്ധിച്ച് വിവാഹം കഴിക്കാൻ ശ്രമിച്ച കാമുകിയും വീട്ടുകാരും അറസ്റ്റിലായി. തമിഴ്നാട്ടിലെ വേളാച്ചേരിയിലാണ് സംഭവം. സോഫ്റ്റ്വെയർ എഞ്ചിനീയറായ മുൻകാമുകൻ പാർഥിബനെ തട്ടിക്കൊണ്ടുപോയ സംഭവത്തിൽ സൗന്ദര്യയും (27), മൂന്ന് ബന്ധുക്കളുമാണ് അറസ്റ്റിലായത്. പാർഥിബനെ തട്ടിക്കൊണ്ടുവന്ന് കാഞ്ചീപുരം ക്ഷേത്രത്തിന് പുറത്തുവെച്ച് താലി കെട്ടാനായിരുന്നു ശ്രമം. എന്നാൽ വേളാച്ചേരി പൊലീസ് നടത്തിയ അവസരോചിതമായ ഇടപെടലിൽ യുവാവിനെ രക്ഷിക്കുകയും തട്ടിക്കൊണ്ടുപോയവരെ അറസ്റ്റ് ചെയ്യുകയുമായിരുന്നു.