റെഡിമെയ്ഡ് സ്ഥാപനത്തിൽ മോഷണം നടത്തിയ അന്യസംസ്ഥാനത്തൊഴിലാളിയെ മണിക്കൂറുകൾക്കുള്ളിൽ പിടികൂടി പോലീസ്

ഞായറാഴ്ച പുലർച്ചെയാണ് കടയിലെ ഗ്ലാസ് ചില്ല് തകർത്ത് അകത്തു കയറി വസ്ത്രങ്ങൾ, പ്രിന്റർ തുടങ്ങി ഒരു ലക്ഷത്തി മുപ്പതിനായിരം രൂപ വില വരുന്ന സാധനങ്ങൾ മോഷ്ടിച്ച് കടന്നു കളഞ്ഞത്. തുടർന്ന് ജില്ലാ പോലീസ് മേധാവിയുടെ നേതൃത്വത്തിൽ പ്രത്യേക ടീം രൂപീകരിച്ച് നടത്തിയ ശാസ്ത്രീയ അന്വേഷണത്തിലാണ് മണിക്കൂറുകൾക്കകം പ്രതി പിടിയിലാകുന്നത്.

ഏഴ് വർഷമായി കേരളത്തിലുള്ള ഇയാൾക്ക് ആലുവയിലും പരിസരത്തും കൂലിപ്പണിയാണ്. ഡി.വൈ.എസ്.പി. പി.കെ. ശിവൻകുട്ടി,  ഇൻസ്പെക്ടർ എൽ. അനിൽകുമാർ, എസ്.ഐ. എം.എസ്. ഷെറി,  സി.പി.ഒമാരായ മാഹിൻ ഷാ അബൂബക്കർ, മുഹമ്മദ് അമീർ, കെ.എം. മനോജ് തുടങ്ങിയവരും അന്വേഷണ സംഘത്തിലുണ്ടായിരുന്നു.