വിവാഹം കഴിഞ്ഞ് ഒരു മാസത്തിനുള്ളിൽ നവവധു ഭർതൃമാതാവിനെ കൊലപ്പെടുത്തി ആഭരണങ്ങളുമായി സ്ഥലം വിട്ടു

2025 ജൂൺ മൂന്നിനായിരുന്നു രേഖയുടെയും അൽവാർ സ്വദേശിയായ വിക്രംജീത് സിം​ഗിന്റെയും വിവാഹം നടന്നത്. അഞ്ച് ലക്ഷത്തിലധികം രൂപ ചെലവഴിച്ച് നടത്തിയ ആർഭാട വിവാഹമായിരുന്നു. രേഖയുടേത് രണ്ടാം വിവാഹ​മാണ്. ആദ്യവിവാഹത്തിൽ രണ്ട് കുഞ്ഞുങ്ങളുമുണ്ട്.

ജൂൺ 23-നാണ് രേഖ അമ്മായിമ്മയ്ക്ക് വിഷം നൽകി കൊലപ്പെടുത്തിയത്. സ്വർണ്ണം, വെള്ളി മാലകൾ, വളകൾ, മോതിരങ്ങൾ എന്നിവയുൾപ്പെടെ ലക്ഷങ്ങൾ വിലമതിക്കുന്ന ആഭരണങ്ങളും 30,000 രൂപയുമായി വീട്ടിൽ നിന്ന് കടന്നുകളയുകയായിരുന്നു. പിന്നീട് യുവതിക്കെതിരെ പരാതി നൽകിയെങ്കിലും നടപടിയൊന്നും സ്വീകരിച്ചിരുന്നില്ല. തുടർന്ന് വിക്രം സിം​ഗ് നീതി വേണമെന്ന് ആവശ്യപ്പെട്ട് കോടതിയിൽ ഹർജി നൽകുകയായിരുന്നു.

രേഖയുടെ അമ്മായിയായ പിങ്കി കൗറിന്റെ സഹായത്തോടെ രേഖ സമാനമായ കുറ്റകൃത്യങ്ങൾക്ക് പദ്ധതിയിട്ടിരുന്നതായി അന്വേഷണസംഘത്തിന് വ്യക്തമായി. ഇരുവരും ഹരിയാനയിലും രാജസ്ഥാനിലും യുവാക്കളെ ലക്ഷ്യമിട്ട് തട്ടിപ്പ് നടത്തിയതായി സ്ഥിരീകരിച്ചിട്ടുണ്ട്.