നടൻ കൂട്ടിക്കൽ ജയചന്ദ്രനെതിരായ പോക്സോ കേസ്; ഇടക്കാല സംരക്ഷണം തുടരും, സുപ്രീംകോടതി

കേസെടുത്തതിനു പിന്നാലെ ഒളിവിൽ പോയ ജയചന്ദ്രൻ, ഹൈക്കോടതിയിൽ മുൻകൂർ ജാമ്യാപേക്ഷ നൽകിയെങ്കിലും തള്ളി. കുട്ടിയുടെ മൊഴി അവിശ്വസനീയമല്ലെന്ന് ചൂണ്ടിക്കാട്ടിയാണ് ഹൈക്കോടതി നടപടി. തുടർന്ന് പൊലീസ് ജയചന്ദ്രനെതിരെ ലുക്കൗട്ട് നോട്ടീസ് പുറത്തിറക്കി. പിന്നാലെ സുപ്രീംകോടതിയെ സമീപിച്ച നടന് മുൻകൂർ ജാമ്യാപേക്ഷ തീർപ്പാകുന്നതുവരെ അറസ്റ്റ് പാടില്ലെന്ന് സുപ്രീംകോടതി ഉത്തരവിട്ടു.