രജനി ആരാധകന്‍ വിജയ് ആരാധകനെ കൊലപ്പെടുത്തി; തർക്കം ദുരിതാശ്വാസ നിധിയിലേക്കുള്ള സംഭാവനയെച്ചൊല്ലി

കൊല്ലപ്പെട്ട യുവരാജും അറസ്റ്റലായ ദിനേശും അയൽവാസികളും സുഹൃത്തുക്കളുമാണെന്നാണ് പൊലീസ് പറയുന്നത്. തങ്ങളുടെ ഇഷ്ടതാരങ്ങൾ കോവിഡ് ദുരിതാശ്വാസ നിധിയിലേക്ക് നൽകിയ സംഭാവനയെച്ചൊല്ലിയാണ് ഇരുവരും തമ്മിൽ തർക്കമുണ്ടായത്. സംസ്ഥാനത്ത് ഏറ്റവും വലിയ തുക സംഭാവന ചെയ്തത് വിജയ് ആണെന്ന് ആണെന്നായിരുന്നു യുവരാജിന്റെ വാദം. എന്നാൽ ഇത് അംഗീകരിക്കാൻ ദിനേശ് തയാറായില്ലെന്നും പൊലീസ് പറയുന്നു. ഇരുവരും തമ്മിലുള്ള തർക്കം കൈയ്യാങ്കളിയിലും കൊലപാതകത്തിലും കലാശിക്കുകയായിരുന്നു.