പ്രായപൂര്‍ത്തിയാകാത്ത പെണ്‍കുട്ടിയുമായി ബന്ധം; യുവാവിനെ കെട്ടിയിട്ട് മര്‍ദിച്ചശേഷം നഗ്നനാക്കി നടത്തി

ഭുവനേശ്വർ: പ്രായപൂർത്തിയാകാത്ത പെൺകുട്ടിയെ പ്രണയിച്ചെന്നാരോപിച്ച് യുവാവിനെ കെട്ടിയിട്ട് മർദിച്ചശേഷം നഗ്നനാക്കി തെരുവിലൂടെ നടത്തി. ഒഡീഷയിലെ മയൂർഭഞ്ച് ജില്ലയിലാണ് സംഭവം. ഇരുവരുടെയും ബന്ധം മുമ്പ് കടുത്ത വഴക്കിലേക്ക് നയിച്ചിരുന്നു. തുടർന്ന് പോലീസിൽ പരാതിപ്പെടുകയും ചെയ്തിരുന്നു. ജനുവരി രണ്ടിന് യുവാവും പെൺകുട്ടിയും പരസ്പരം കണ്ടുമുട്ടിയിരുന്നു. ഇത് പെൺകുട്ടിയുടെ ബന്ധുക്കൾ കണ്ടു. അവർ ഉടൻ ഇടപെടുകയും അത് വലിയ വഴക്കിലേക്ക് നയിക്കുകയുമായിരുന്നു.