Saritha S Nair Arrested | സോളാർ കേസ് പ്രതി സരിത എസ് നായർ അറസ്റ്റിൽ

തിരുവനന്തപുരം: സരിത എസ് നായർ ചെക്ക് കേസിൽ അറസ്റ്റിലായി. കോഴിക്കോട് പൊലീസ് തിരുവനന്തപുരത്ത് എത്തിയാണ് അറസ്റ്റ് രേഖപ്പെടുത്തിയത്. സോളാർ കേസുമായി ബന്ധപ്പെട്ട ചെക്ക് തട്ടിപ്പ് കേസിലാണ് സരിത എസ് നായർ അറസ്റ്റിലായത്. സോളാർ തട്ടിപ്പ് കേസിൽ ഹാജരാകാത്തതിനെ തുടർന്ന് സരിത എസ് നായർക്കെതിരെ കോഴിക്കോട് മജിസ്ട്രേറ്റ് കോടതി അറസ്റ്റ് വാറണ്ട് പുറപ്പെടുവിച്ചിരുന്നു. സോളാർ പാനൽ വെയ്ക്കാമെന്ന് പറഞ്ഞ് കോഴിക്കോട് സ്വദേശി അബ്ദുൽ മജീദ് എന്നയാളിൽനിന്ന് 42.70 ലക്ഷം രൂപ വാങ്ങി വഞ്ചിച്ചുവെന്നാണ് കേസ്. സരിത എസ് നായരും ബിജു രാധാകൃഷ്ണനും ചേർന്നാണ് തട്ടിപ്പ് നടത്തിയത്.