Saif Ali Khan | സെയ്ഫ് അലി ഖാന് കുത്തേറ്റ സംഭവത്തിൽ പ്രതിയെന്ന് സംശയിക്കുന്നയാൾ ഛത്തീസ്ഗഢിൽ പിടിയിൽ

ബോളിവുഡ്  താരം സെയ്ഫ് അലിഖാനെ വീട്ടിൽ കയറി കുത്തി പരിക്കേൽപ്പിച്ച കേസിലെ പ്രതിയെന്നു സംശയിക്കുന്ന ആളെ ഛത്തീസ്ഗഢിലെ ദുർഗിൽ നിന്നും പിടികൂടി. ആകാശ് കനോജിയ എന്ന ആളാണ് ദുർഗ് റെയിൽവേ സ്റ്റേഷനിൽ നിന്നും പിടിയിലായത്.  മുംബൈ ജുഹു  സ്റ്റേഷൻ അസിസ്റ്റൻറ് പോലീസ് ഇൻസ്പെക്ടർ നൽകിയ വിവരത്തിന്റെ അടിസ്ഥാനത്തിൽ റെയിൽവേ പ്രൊട്ടക്ഷൻ ഫോഴ്സ് നടത്തിയ തിരച്ചിലിലാണ് മുംബൈ -ഹൗറ ജ്ഞാനേശ്വരി എക്സ്പ്രസ്സിൽ യാത്ര ചെയ്യുന്നതിനിടെ ഇയാളെ  ഛത്തീസ്ഗഢിലെ ദുർഗ് സ്റ്റേഷനിൽ നിന്നും പിടികൂടിയത്. ചോദ്യം ചെയ്യലിൽ ടിക്കറ്റില്ലാതെ യാത്ര ചെയ്ത ഇയാൾ ആദ്യം നാഗ്പൂരിലേക്ക് പോവുകയാണെന്ന് പറഞ്ഞെങ്കിലും പിന്നീട് ബിലാസ്പൂരിലേക്ക് ആണെന്ന് മാറ്റിപ്പറഞ്ഞു.