ഇലന്തൂർ നരബലി; മറ്റു കൊലപാതകങ്ങളില്ലെന്ന വിലയിരുത്തലിൽ അന്വേഷണസംഘം; ഇനി കുഴിച്ചുനോക്കേണ്ടെന്നും തീരുമാനം

പത്തനംതിട്ട: ഇലന്തൂർ നരബലിയുമായി ബന്ധപ്പെട്ട് മറ്റു കൊലപാതകങ്ങൾ ഇല്ല എന്ന് പ്രാഥമിക വിലയിരുത്തലിൽ അന്വേഷണസംഘം. ഇക്കാര്യത്തിൽ 99% ഉം ഉറപ്പ് ആയതായി അന്വേഷണസംഘം പറയുന്നു. ഇനി കുഴിച്ചു നോക്കേണ്ട എന്നും തീരുമാനിച്ചിട്ടുണ്ട്. കൂടുതൽ നരബലിയും കൊലപാതകങ്ങളും നടത്തിയിട്ടുണ്ടെന്ന സംശയത്തെ തുടർന്ന് ഇന്ന് മുഖ്യപ്രതി ഭഗവൽസിങിന്‍റെ വീട്ടുപറമ്പിൽ വിപുലമായ തെരച്ചിൽ അന്വേഷണസംഘം നടത്തിയിരുന്നു.