പൊലീസ് കൈകാണിച്ചിട്ടും നിർത്താതെ പോയ കാർ വൈദ്യുതത്തൂണിൽ ഇടിച്ചുനിന്നു; ആലപ്പുഴയില് MDMAയുമായി യുവതിയടക്കം മൂന്നുപേര് അറസ്റ്റില്
- Published by:Jayesh Krishnan
- news18-malayalam
Last Updated:
അറസ്റ്റിലായ ഹൃദ്യ എറണാകുളത്തു താമസിച്ച് രാത്രികാലങ്ങളില് എംഡിഎംഎ. ആലപ്പുഴയില് കൊണ്ടുവന്ന് വില്പ്പന നടത്തിയിരുന്നതായി പൊലീസ്
ആലപ്പുഴ: 11 ഗ്രാം എംഡിഎംഎയുമായി യുവതിയടക്കം മൂന്നുപേർ അറസ്റ്റിൽ. കണ്ണൂര് കൊളവല്ലൂര് കുണ്ടന്ചാലില് കുന്നേത്ത്പറമ്പ് ഹൃദ്യ (19), ഇടുക്കി കഞ്ഞിക്കുഴി ചുങ്കനാനില് വീട്ടില് ആല്ബിന് (21), കോതമംഗലം ഇഞ്ചത്തൊട്ടി വട്ടത്തുണ്ടിൽ നിഖിൽ(20) എന്നിവരാണ് പിടിയിലായത്. ഇവർ സഞ്ചരിച്ചിരുന്ന കാറിൽ നിന്നാണ് മയക്കുമരുന്ന് കണ്ടെത്തിയത്.
വ്യാഴാഴ്ച നടത്തിയ പൊലീസ് പരിശോധനയിൽ കൈകാണിച്ചപ്പോൾ നിർത്താതെ കാർ പൊലീസ് ഉദ്യോഗസ്ഥർക്ക് നേരെ പാഞ്ഞടുപ്പിക്കുകയായിരുന്നു. പിന്നാലെ കാർ അടുത്തുള്ള ഇലക്ട്രിക് പോസ്റ്റിൽ ഇടിച്ച് നിന്നു.
കാർ അപകടത്തിൽപ്പെട്ടതോടെ പ്രതികൾ ഇറങ്ങിയോടി രക്ഷപ്പെടാൻ ശ്രമിച്ചു. ബലപ്രയോഗത്തിലൂടെ ഇവരെ കീഴടക്കുകയായിരുന്നു. ഇവർ സഞ്ചരിച്ചിരുന്ന കാറും പൊലീസ് കസ്റ്റഡിയിലെടുത്തിട്ടുണ്ട്. അറസ്റ്റിലായ ഹൃദ്യ എറണാകുളത്തു താമസിച്ച് രാത്രികാലങ്ങളില് എംഡിഎംഎ. ആലപ്പുഴയില് കൊണ്ടുവന്ന് വില്പ്പന നടത്തിയിരുന്നതായി പൊലീസ് പറഞ്ഞു.
advertisement
മയക്കുമരുന്ന് ആലപ്പുഴ നഗരത്തിലെയും പരിസരങ്ങളിലെയും സ്കൂള്-കോളേജ് വിദ്യാര്ഥികള്ക്കും യുവതീയുവാക്കള്ക്കും വില്ക്കാന് കൊണ്ടുവന്നതാണ്. ആലപ്പുഴ ഭാഗത്തേക്കു മയക്കുമരുന്നുമായി കാറില് ഒരുസംഘം വരുന്നുണ്ടെന്ന രഹസ്യവിവരത്തെതുടര്ന്നായിരുന്നു പൊലീസ് പരിശോധന നടത്തിയത്.
Location :
First Published :
Nov 11, 2022 7:17 AM IST
മലയാളം വാർത്തകൾ/ വാർത്ത/Crime/
പൊലീസ് കൈകാണിച്ചിട്ടും നിർത്താതെ പോയ കാർ വൈദ്യുതത്തൂണിൽ ഇടിച്ചുനിന്നു; ആലപ്പുഴയില് MDMAയുമായി യുവതിയടക്കം മൂന്നുപേര് അറസ്റ്റില്
