അടിമാലിയിൽ മുടി വെട്ടാനെത്തിയ 8- വയസ്സുകാരനോട് അതിക്രമം; ബാർബർ ഷോപ്പ് ജീവനക്കാരനായ യുപി സ്വദേശി അറസ്റ്റിൽ

കഴിഞ്ഞ തിങ്കളാഴ്ച അടിമാലി ടൗണിലെ മൂന്നാർ റോഡിലുള്ള ബാർബർ ഷോപ്പിലായിരുന്നു കേസിനാസ്പദമായ സംഭവം നടന്നത്. മുടിവെട്ടാനായി എത്തിയ എട്ടു വയസ്സുകാരനോട് ഇയാൾ മോശമായി പെരുമാറുകയായിരുന്നു. കുട്ടി വിവരം അറിയിച്ചതിനെത്തുടർന്ന് രക്ഷിതാക്കൾ പോലീസിൽ പരാതി നൽകി. പ്രാഥമിക ചോദ്യം ചെയ്യലിൽ പരാതിയിൽ കഴമ്പുണ്ടെന്ന് ബോധ്യപ്പെട്ടതിനെത്തുടർന്നാണ് പോലീസ് അലിന്റെ അറസ്റ്റ് രേഖപ്പെടുത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.