അതിർത്തി തർക്കത്തെ തുടർന്ന് അയൽവാസികൾ കഴുത്തിൽ കമ്പുകുത്തിക്കയറ്റിയ വീട്ടമ്മ മരിച്ചു
- Published by:Rajesh V
- news18-malayalam
Last Updated:
അയൽവാസികളായ അനീഷ്, നിഖിൽ എന്നിവർ ചേർന്ന് വീട്ടമ്മയെ ആക്രമിച്ചത്
തിരുവനന്തപുരം: അതിർത്തി തര്‍ക്കത്തെ തുടര്‍ന്ന് അയൽവാസികൾ കഴുത്തിൽ കമ്പ് കുത്തി കയറ്റിയതിനെ തുടർന്ന് ചികിത്സയിൽ ആയിരുന്ന നെയ്യാറ്റിൻകര അതിയന്നൂരിൽ സ്വദേശിനി വീട്ടമ്മ മരിച്ചു. അതിയന്നൂർ മരുതംകോട് സ്വദേശി വിജയകുമാരി (50) ആണ് മരിച്ചത്. ഇവർ തിരുവനന്തപുരം മെഡിക്കൽ കോളേജിൽ ചികിത്സയിലായിരുന്നു.
കഴിഞ്ഞ 9 ന് വൈകിട്ടാണ് അയൽവാസികളായ അനീഷ്, നിഖിൽ എന്നിവർ ചേർന്ന് വീട്ടമ്മയെ ആക്രമിച്ചത്.
അതിർത്തി തർക്കത്തെ തുടർന്നായിരുന്നു വാക്കേറ്റവും ആക്രമണവും നടന്നത്. കസ്റ്റഡിയിലെടുത്തിരുന്ന പ്രതികൾ റിമാൻഡിലാണ്. പ്രതികൾക്ക് എതിരെ കൊലക്കുറ്റം ചുമത്തുമെന്ന് നെയ്യാറ്റിൻകര പോലീസ് പറഞ്ഞു.
Location :
First Published :
October 13, 2022 2:55 PM IST
മലയാളം വാർത്തകൾ/ വാർത്ത/Crime/
അതിർത്തി തർക്കത്തെ തുടർന്ന് അയൽവാസികൾ കഴുത്തിൽ കമ്പുകുത്തിക്കയറ്റിയ വീട്ടമ്മ മരിച്ചു
