കണ്ണൂരിൽ വീട്ടിൽക്കയറി യുവാവിനെ വെട്ടിക്കൊന്നു

വീടിന് സമീപത്ത് ആയുധ നിർമാണത്തിന്റെ ആല നടത്തുന്നയാളാണ് നിധീഷ്. സാമ്പത്തിക പ്രശ്നങ്ങളെ തുടർന്നുള്ള തർക്കമാണ് കൊലപാതകത്തിന് കാരണമെന്നാണ് പ്രാഥമിക നി​ഗമനം. ഇന്ന് ഉച്ചയ്ക്ക് 12.30 ഓടെ ആലയിലെത്തിയ അക്രമികൾ വാക്കുതർക്കത്തെത്തുടർന്ന് ആലയിലിരുന്ന വാക്കത്തിയെടുത്ത് നിധീഷിനെ ആക്രമിച്ചു. ഇത് തടയാനെത്തിയ ശ്രുതിയ്ക്കും വെട്ടേറ്റു. ശ്രുതിയുടെ പരിക്ക് ​ഗുരുതരമല്ല. അക്രമികളെ ശ്രുതിയ്ക്ക് പരിചയമുണ്ടെന്നാണ് വിവരം. ശ്രുതിയുടെ മൊഴിയെടുത്താൽ മാത്രമേ കാര്യങ്ങൾ വ്യക്തമാകൂ.