പാലക്കാട് ബന്ധുക്കളുടെ മുന്നിൽവെച്ച് യുവാവിനെ കെട്ടിയിട്ട് മർദിച്ചു

ഒകരംപള്ളി സ്വദേശിയായ വിപിനാണ് മർദനത്തിനിരയായത്. ബന്ധുക്കളുടെ മുന്നിൽ വെച്ചാണ് പ്രതികൾ വിപിനെ പോസ്റ്റിൽ കെട്ടിയിട്ട് ക്രൂരമായി മർദിച്ചത്. അറസ്റ്റിലായവർ അറിയപ്പെടുന്ന ഗുണ്ടാസംഘത്തിൽപ്പെട്ടവരാണെന്ന് പൊലീസ് സ്ഥിരീകരിച്ചു. സംഭവത്തിന്റെ ഗൗരവം പരിഗണിച്ച് ഒളിവിൽ കഴിഞ്ഞിരുന്ന പ്രതികളെ തിരഞ്ഞുപിടിച്ചാണ് പൊലീസ് അറസ്റ്റ് രേഖപ്പെടുത്തിയത്.