ഗണപതിയുടെ ചിത്രമുള്ള നോട്ടുകൾ ഇന്തോനേഷ്യയിൽ നിലവിലുണ്ടോ? കെജ്രിവാൾ പറഞ്ഞതിനു പിന്നിലെ വസ്തുത

ഇന്ത്യയിലെ കറൻസി നോട്ടുകളിൽ ഗണപതിയുടെയും ലക്ഷ്മിയുടെയും ചിത്രങ്ങൾ വേണമെന്ന് ആം ആദ്മി പാർട്ടി തലവൻ അരവിന്ദ് കെജ്രിവാൾ കഴിഞ്ഞ ദിവസം അഭിപ്രായപ്പെട്ടത് വലിയ ചർച്ചകൾക്ക് വഴിവെച്ചിരുന്നു. ഇസ്ലാമിക രാഷ്ട്രമായ ഇന്തോനേഷ്യയിലെ നോട്ടുകളിൽ ഗണപതിയുടെ ചിത്രമുണ്ടെന്നും ഇന്ത്യയ്ക്ക് എന്തുകൊണ്ട് ഇങ്ങനെ ചെയ്തുകൂടാ എന്നുമായിരുന്നു കെജ്രിവാൾ ചോദിച്ചത്. ഇതിനെ തുടർന്ന്, ഇന്തോനേഷ്യയിലെ നോട്ടുകളിൽ ഗണപതിയുടെ ചിത്രമുള്ള ഫോട്ടോകൾ സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു.