'വാർദ്ധക്യം വളർച്ചയുടെയും സംഭാവനകളുടെയും ആത്മസാക്ഷാത്കാരത്തിന്റെയും ഘട്ടം'; സംസ്ഥാന വയോജന നയത്തിന് അംഗീകാരം

തിരുവനന്തപുരം: കേരളത്തിലെ മുതിർന്ന പൗരന്മാരുടെ ക്ഷേമവും അന്തസ്സും ഉറപ്പാക്കാൻ ലക്ഷ്യമിട്ടുള്ള പുതുക്കിയ വയോജന നയത്തിന് (2026) മന്ത്രിസഭ അംഗീകാരം നൽകി. സംസ്ഥാന സാമൂഹ്യനീതി മന്ത്രി ഡോ. ആർ. ബിന്ദുവാണ് വയോജന സൗഹൃദ കേരളം ലക്ഷ്യമിട്ടുള്ള സുപ്രധാന നയങ്ങൾ പ്രഖ്യാപിച്ചത്. വാർദ്ധക്യത്തെ അവഗണനയുടെ കാലമായല്ല, മറിച്ച് സജീവ പങ്കാളിത്തത്തിന്റെയും ആത്മസാക്ഷാത്കാരത്തിന്റെയും ഘട്ടമായി മാറ്റുകയാണ് ഇതിന്റെ പ്രധാന ലക്ഷ്യം.