ഗൂ​ഗിളിന് ഒരാഴ്ചയ്ക്കിടെ തുടർച്ചയായി രണ്ടു തവണ പിഴ ഈടാക്കാനുളള കാരണങ്ങൾ

​ഗൂ​ഗിളിന്റെ ശരാശരി വരുമാനത്തിന്റെ ഏഴു ശതമാനമാണ് 936.44 എന്നും റിപ്പോർട്ടുകൾ സൂചിപ്പിക്കുന്നു.

പ്ലേ സ്റ്റോർ നയങ്ങളുടെ ദുരുപയോ​ഗം: പ്ലേ സ്റ്റോർ നയങ്ങൾ ദുരുപയോഗം ചെയ്തതിനാണ് ഒക്ടോബർ 25 ന് ​ഗൂ​ഗിളിന് സിസിഐ 936.44 കോടി രൂപ പിഴ ചുമത്തിയത്. ആൻഡ്രോയിഡ് മൊബൈൽ ആപ്പ് ഡെവലപ്പർമാർക്കുള്ള പ്രധാന വിതരണ മാർ​ഗമാണ് ഗൂഗിളിന്റെ പ്ലേ സ്റ്റോർ. ഇതിലൂടെ കമ്പനിയുടെ തന്നെ പേമെന്റ് ആപ്പിന് പ്രചാരം നൽകാൻ ശ്രമിച്ചുവെന്ന് കമ്മീഷൻ കണ്ടെത്തിയിരുന്നു.

ആൻഡ്രോയിഡ് മൊബൈൽ ഉപകരണങ്ങളുമായി ബന്ധപ്പെട്ട പിഴ: ഒക്ടോബർ 20 നാണ് ആന്‍ഡ്രോയിഡ് അധിഷ്ഠിതമായി പ്രവർത്തിക്കുന്ന ഫോണുകളെ വാണിജ്യ താത്പര്യം മുന്‍നിര്‍ത്തി ദുരുപയോഗം ചെയ്‌തെന്ന് ചൂണ്ടിക്കാട്ടി ഗൂഗിളിന് സിസിഐ 1,337 കോടി രൂപ പിഴ ചുമത്തിയത്.​ ഇത്തരം നടപടികൾ അവസാനിപ്പിക്കാനും ​ഗൂ​ഗിളിനോട് സിസിഐ ആവശ്യപ്പെട്ടിരുന്നു.

ഓൺലൈൻ സേർച്ച്: ഓൺലൈൻ സേർച്ചുമായി ബന്ധപ്പെട്ട അന്യായമായ ബിസിനസ് രീതികൾ കണ്ടെത്തിയതിനെ തുടർന്ന് 2018 ഫെബ്രുവരിയിൽ സിസിഐ ഗൂഗിളിന് 136 കോടി രൂപ പിഴ ചുമത്തിയിരുന്നു. ചില ​ഗൂ​ഗിൾ സേർച്ച് റിസൾട്ടുകൾ പക്ഷപാതപരവും കൃത്രിമവുമാണെന്നും സിസിഐ കണ്ടെത്തിയിരുന്നു.

വാർത്താ ഉള്ളടക്കം, സ്‌മാർട്ട് ടിവി എന്നിവയുമായി ബന്ധപ്പെട്ട വിഷയങ്ങളിലും ഗൂഗിളിനെതിരായ പരാതികൾ സിസിഐ അന്വേഷിക്കുന്നുണ്ട്. ഏതെങ്കിലും മൂന്നാം കക്ഷി ബില്ലിംഗ്, പേയ്‌മെന്റ് പ്രോസസിങ്ങ് സേവനങ്ങൾ ഉപയോഗിക്കുന്നതിൽ നിന്ന് ആപ്പ് ഡെവലപ്പർമാരെ നിയന്ത്രിക്കരുതെന്നും ​ഗൂ​ഗിളിനോട് ആവശ്യപ്പെട്ടു. ഗൂ​ഗിൾ സെർച്ച് ഉപയോ​ഗിക്കാൻ പ്രേരിപ്പിക്കുന്ന തരത്തിൽ മൊബൈൽ നിർമിക്കുന്ന കമ്പനികൾക്ക് ഇളവുകൾ നൽകരുതെന്നും ആൻഡ്രോയിഡ് ഓപ്പറേറ്റിം​ഗ് സിസ്റ്റത്തിൽ സമയബന്ധിതമായി മാറ്റം വരുത്തണമെന്നും കോംപറ്റീഷൻ കമ്മീഷൻ ഓഫ് ഇന്ത്യ ​ഗൂ​ഗിളിന് നിർദേശം നൽകിയിട്ടുണ്ട്.

Also Read- വീണ്ടും ഗൂഗിളിന് പിഴ; 936.44 കോടി രൂപ പ്ലേസ്റ്റോറിലെ ആധിപത്യം ദുരുപയോഗം ചെയ്തതിന്

​ഗൂ​ഗിളിലൂടെ ശേഖരിക്കുന്ന ഡാറ്റ, ഡാറ്റയുടെ ഉപയോഗം, ആപ്പ് ഡെവലപ്പർമാരുമായോ മറ്റുള്ളവരുമായോ അത്തരം ഡാറ്റ പങ്കുവെയ്ക്കുന്നത് എന്നീ കാര്യങ്ങളെക്കുറിച്ച് വ്യക്തമായതും സുതാര്യവുമായ നയം രൂപീകരിക്കണമെന്നും സിസിഐ ​ഗൂ​ഗിളിനോട് പറഞ്ഞു. ആപ്പ് ഡെവലപ്പർമാരുമായുള്ള ആശയവിനിമം, നൽകുന്ന സേവനങ്ങൾ, ഈടാക്കുന്ന ഫീസ് എന്നിവയിലെല്ലാം പൂർണ സുതാര്യത ഉറപ്പാക്കണം എന്നും

കോമ്പറ്റീഷൻ കമ്മീഷൻ ഓഫ് ഇന്ത്യ ഗൂ​ഗിളിനോട് ആവശ്യപ്പെട്ടു.

ഇന്ത്യയിലെ ആന്‍ഡ്രോയിഡ് സ്മാര്‍ട്ഫോൺ ഉപഭോക്താക്കളുടെ പരാതിയെത്തുടര്‍ന്ന് 2019 ഏപ്രിലില്‍ ആണ് ഗൂഗിളിനെതിരെ സിസിഐ അന്വേഷണത്തിന് ഉത്തരവിട്ടത്.