എന്താണ് പ്രഷര്‍ കുക്കര്‍ ബോംബ്? എങ്ങനെയാണത് പ്രവര്‍ത്തിക്കുന്നത്?

പ്രഷർ കുക്കറിനുള്ളിൽ സ്‌ഫോടകവസ്തുക്കൾ നിറച്ച് കുക്കറിന്റെ ലിഡിൽ ഒരു ബ്ലാസ്റ്റിംഗ് ക്യാപ് ഉറപ്പിച്ചുകൊണ്ട് നിർമ്മിക്കുന്ന ഒരു സ്‌ഫോടകവസ്തുവാണ് പ്രഷർ കുക്കർ ബോംബ്. 21-ാം നൂറ്റാണ്ടിൽ പ്രഷർ കുക്കർ ബോംബ് ഉപയോഗിച്ചുള്ള നിരവധി ആക്രമണങ്ങൾ ഉണ്ടായിട്ടുണ്ട്. 2006ലെ മുംബൈ ട്രെയിൻ ബോംബാക്രമണം, 2010ലെ സ്‌റ്റോക്ക്‌ഹോം സ്‌ഫോടനം, 2010ലെ ടൈംസ് സ്‌ക്വയർ വാഹന ബോംബാക്രമണം, 2013ലെ ബോസ്റ്റൺ മാരത്തൺ ബോംബാക്രമണം, 2017ലെ മാഞ്ചസ്റ്റർ അരീന ബോബാക്രമണം എന്നിവ ഉദാഹരണങ്ങളാണ്.

പ്രഷർ കുക്കർ ബോംബ് നിർമ്മിക്കാനാവശ്യമായ വസ്തുക്കളിൽ ഭൂരിഭാഗവും പെട്ടെന്ന് ലഭ്യമാകുന്നവയാണ്. ഡിജിറ്റൽ വാച്ച്, ഗാരേജ് ഡോർ ഓപ്പണർ, സെൽ ഫോൺ, പേജർ, കിച്ചൺ ടൈമർ, അലാറം ക്ലോക്ക് എന്നിവ പോലുള്ള ഇലക്ട്രാണിക് ഉപകരണങ്ങൾ ഇതിനായി ഉപയോഗിക്കാം. പ്രഷർ കുക്കറിന്റെ വലിപ്പം, അളവ്, ഉപയോഗിക്കുന്ന സ്‌ഫോടകവസ്തുക്കൾ എന്നിവയെ അടിസ്ഥാനമാക്കിയാണ് സ്‌ഫോടനത്തിന്റെ ശക്തി നിശ്ചയിക്കുന്നത്. ഒരു പൈപ്പ് ബോംബ് പോലെയാണ് ഈ പ്രഷർ കുക്കർ പ്രവർത്തിക്കുന്നത്. പ്രഷർ കുക്കർ പൊട്ടിത്തെറിക്കുന്നതുവരെ സ്‌ഫോടനത്തിനാവശ്യമായ ഊർജ്ജം അതിനുള്ളിൽ നിറഞ്ഞുനിൽക്കും.

യുഎസ് ഡിപ്പാർട്ട്‌മെന്റ് ഓഫ് ഹോംലാൻഡ് സെക്യൂരിറ്റി (DHS) പറയുന്നതനുസരിച്ച്, നശിപ്പിക്കാനോ പ്രവർത്തനരഹിതമാക്കാനോ ഉപയോഗിക്കുന്ന വീടുകളിൽ തന്നെ നിർമ്മിക്കാവുന്ന ബോംബ് ആണ് ഐഇഡി. ചാവേറുകൾ, തീവ്രവാദികൾ, കലാപകാരികൾ തുടങ്ങിയവർ ഐഇഡികൾ ഉപയോഗിക്കാറുണ്ടെന്നും ഡിഎച്ച്എസ് പറയുന്നു. സർക്കാരിന്റെ അനുമതി ഇല്ലാതെയാണ് ഇവർ ഐഇഡികൾ നിർമ്മിക്കുക.

UNODA( united nations office for disarmament affairs) അനുസരിച്ച് ഇന്ന് ഉപയോഗിക്കുന്ന ഏറ്റവും പഴക്കമേറിയ ആയുധനങ്ങളിൽ ഒന്നാണ് ഐഇഡികൾ. 1970കളിൽ ബ്രിട്ടിഷ് സൈന്യമാണ് ഐഇഡികൾ ആദ്യമായി ഉപയോഗിച്ചതെന്നാണ് NACIN പറയുന്നത്. എന്നാൽ 2003-2011 ലെ ഇറാഖ് യുദ്ധകാലത്താണ് ഐഇഡികൾ വ്യാപകമായി ഉപയോഗിച്ചതെന്നാണ് ഡിഎച്ച്എസ് പറയുന്നത്. തോക്ക് ഉപയോഗിച്ചുള്ള ആക്രമണങ്ങളേക്കാൾ കൂടുതൽ ആളുകളെ ഐഇഡി ആക്രമണങ്ങൾ ഇല്ലാതാക്കുന്നുണ്ട്.

ട്രക്കുകളിൽ വഹിച്ചുകൊണ്ടുപോകുന്ന ഐഇഡികളാണ് VBIED. സൈക്കിൾ, മോട്ടോർസൈക്കിൾ, കഴുത എന്നിവയിലെല്ലാം ഇത് ഉപയോഗിക്കും. ആ വാഹനത്തെ തന്നെ നശിപ്പിക്കാനുള്ള കഴിവ് VBIED കൾക്ക് ഉണ്ട്. ഇനീഷ്യേറ്റർ, സ്വിച്ച്, മെയിൻ ചാർജ്, കണ്ടെയ്‌നർ, പവർ സോഴ്‌സ് എന്നിവ ഉപയോഗിച്ച് ഐഇഡികൾ ഉണ്ടാക്കാം. അപകടസാധ്യതയുള്ള മറ്റ് പദാർത്ഥങ്ങളും ഐഇഡികൾ നിർമ്മിക്കാൻ ഉപയോഗിക്കാം. രാസവളം, വെടിമരുന്ന്, ഹൈഡ്രജൻ പെറോക്‌സൈഡ്, എന്നിവ ഐഇഡികളിൽ സ്‌ഫോടകവസ്തുക്കളായി ഉപയോഗിക്കാം. ഇന്ധന എണ്ണയുടെയും അമോണിയം നൈട്രേറ്റിന്റെയും മിശ്രിതമായ ANFO പൊട്ടിത്തെറിക്ക് ആവശ്യമായ ഓക്‌സിഡൻ നൽകുന്ന ഘടകമാണ്.