പ്രശസ്ത ക്യാമറാമാൻ സണ്ണി ജോസഫ് കെ.ആർ.നാരായണൻ ഫിലിം ഇൻസ്റ്റിറ്റ്യൂട്ട് ഡയറക്ടർ

തിരുവനന്തപുരം: കോട്ടയം കെ.ആർ. നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്സിന്റെ (KRNIVSA) ഡയറക്ടറായി പ്രശസ്ത ഛായാഗ്രാഹകൻ സണ്ണി ജോസഫിനെ നിയമിച്ചു. നാല് പതിറ്റാണ്ടിലേറെയായി ചലച്ചിത്ര രംഗത്ത് സജീവമായ സണ്ണി ജോസഫ്, ഇൻസ്റ്റിറ്റ്യൂട്ടിനെ അന്താരാഷ്ട്ര നിലവാരത്തിലുള്ള ചലച്ചിത്ര പഠന കേന്ദ്രമാക്കി ഉയർത്തുക എന്ന ലക്ഷ്യത്തോടെയാണ് നിയമിതനായതെന്ന് ഉന്നതവിദ്യാഭ്യാസ മന്ത്രി ആർ. ബിന്ദു അറിയിച്ചു.