'മലയാളികള്‍ ഹൃദയം കൊണ്ട് നിനക്ക് അവാര്‍ഡ് തന്നു കഴിഞ്ഞു'; മാളികപ്പുറം ബാലതാരം ദേവനന്ദയോട് നടന്‍ ശരത് ദാസ്

സംസ്ഥാന ചലച്ചിത്ര പുരസ്കാര പ്രഖ്യാപനത്തിന് പിന്നാലെ വിമര്‍ശനങ്ങള്‍ ഉയരുന്നത് പതിവ് കാഴ്ചയാണ്. പ്രതീക്ഷിച്ചിരുന്നവര്‍ക്ക് അവാര്‍ഡ് ലഭിക്കാതെയാകുമ്പോഴുള്ള നീരസം പലരും സമൂഹമാധ്യമങ്ങളിലൂടെ പരസ്യമാക്കുകയും ചെയ്യും. മാളികപ്പുറം സിനിമയിലെ കല്ലു എന്ന കഥാപാത്രത്തിലൂടെ ശ്രദ്ധേയായ ബാലതാരം ദേവനന്ദയ്ക്ക് പലരും പുരസ്കാരം പ്രതീക്ഷിച്ചിരുന്നു. പക്ഷെ ജൂറിയുടെ തീരുമാനം മറ്റൊന്നായതോടെ ആരാധകര്‍ ദേവനന്ദയ്ക്ക് പിന്തുണ നല്‍കി സോഷ്യല്‍ മീഡിയയില്‍ കൂട്ടമായെത്തി.