• HOME
  • »
  • NEWS
  • »
  • film
  • »
  • Archana Kavi | 'ഒട്ടും സുരക്ഷിതമായി തോന്നിയില്ല; വളരെ അധികം അസ്വസ്ഥതപ്പെടുത്തി'; പൊലീസ് മോശമായി പെരുമാറിയെന്ന് അര്‍ച്ചന കവി

Archana Kavi | 'ഒട്ടും സുരക്ഷിതമായി തോന്നിയില്ല; വളരെ അധികം അസ്വസ്ഥതപ്പെടുത്തി'; പൊലീസ് മോശമായി പെരുമാറിയെന്ന് അര്‍ച്ചന കവി

കേരള പൊലീസ്, ഫോര്‍ട്ട് കൊച്ചി എന്നീ ഹാഷ് ടാഗുകളും അര്‍ച്ച പോസ്റ്റിനൊപ്പം ചേര്‍ത്തിട്ടുണ്ട്.

  • Share this:
    കേരള പൊലീസില്‍(Kerala Police) നിന്ന് മോശം അനുഭവം നേരിട്ടതായി നടി അര്‍ച്ചന കവി(Archana Kavi). പൊലീസ് മോശമായി പെരുമാറിയെന്നും സുരക്ഷിതമായി തോന്നിയില്ലെന്നും അര്‍ച്ചനകവി ഇന്‍സ്റ്റാഗ്രാമില്‍ സ്‌റ്റോറിയില്‍ കുറിച്ചു. ഈ സമയത്ത് യാത്ര ചെയ്യുന്നത് തെറ്റാണോ എന്ന ചോദ്യത്തോടെയാണ് അര്‍ച്ചന കുറിപ്പ് പങ്കുവച്ചത്.

    ഓട്ടോയില്‍ യാത്ര ചെയ്തിരുന്ന തങ്ങളെ പൊലീസ് ഉദ്യോഗസ്ഥര്‍ ചോദ്യം ചെയ്യുകയും പരുക്കന്‍ ഭാഷയില്‍ പെരുമാറിയെന്നും അര്‍ച്ചന പറയുന്നു. കേരള പൊലീസ്, ഫോര്‍ട്ട് കൊച്ചി എന്നീ ഹാഷ് ടാഗുകളും അര്‍ച്ച പോസ്റ്റിനൊപ്പം ചേര്‍ത്തിട്ടുണ്ട്.



    അര്‍ച്ചന കവിയുടെ വാക്കുകള്‍

    ഈ സമയത്ത് യാത്ര ചെയ്യുന്നത് തെറ്റാണോ? ജെസ്‌നയും ഞാനും അവളുടെ കുടുംബവും മിലാനോയില്‍ നിന്ന് തിരിച്ചുവരികയായിരുന്നു. ചില പൊലീസ് ഉദ്യോഗസ്ഥര്‍ ഞങ്ങളെ നിര്‍ത്തി ചോദ്യം ചെയ്തു. ഓട്ടോയില്‍ യാത്ര ചെയ്തിരുന്ന ഞങ്ങളെല്ലാം സ്ത്രീകളായിരുന്നു. അവര്‍ പരുക്കന്‍ ഭാഷയിലാണ് പെരുമാറിയത്. ഞങ്ങള്‍ക്കത് ഒട്ടും സുരക്ഷിതമായി തോന്നിയില്ല. വീട്ടില്‍ പോവുകയാണ് എന്ന് പറഞ്ഞപ്പോള്‍, എന്തിനാണ് വീട്ടില്‍ പോകുന്നത് എന്നാണ് അവര്‍ ചോദിച്ചത്. ചോദ്യം ചെയ്യുന്നതില്‍ എനിക്ക് പ്രശ്‌നമൊന്നുമില്ല. എന്നാല്‍, അതിന് ഒരു രീതിയുണ്ട്. ഇത് വളരെ അധികം അസ്വസ്ഥതപ്പെടുത്തുന്നതാണ്.
    Published by:Jayesh Krishnan
    First published: