'ബേസിൽ ഒരു വീക്കിലി സ്റ്റാർ എല്ലാ ആഴ്ചയിലും പുതിയ റിലീസ്'; കീർത്തി സുരേഷ്

നടനായും സംവിധായകനായും തന്റെ കഴിവ് തെളിയിച്ച താരമാണ്‌ ബേസിൽ ജോസഫ്. ഇപ്പോഴിതാ ബേസിലിനെ പ്രശംസിച്ച് സംസാരിച്ചിരിക്കുകയാണ് നടി കീർത്തി സുരേഷ്. ജെഎഫ്ഡബ്ല്യു മൂവി അവാർഡ്‌സ് 2025 വേദിയിൽ വച്ചാണ് നടനെ കുറിച്ചുള്ള കീർത്തിയുടെ പരാമർശം. അഭിനയത്തിലായാലും സംവിധാനത്തിലായാലും തൊട്ടതെല്ലാം പൊന്നാക്കുന്ന താരമാണ് ബേസിൽ എന്ന് കീര്‍ത്തി സുരേഷ് പറഞ്ഞു. കീർത്തി ബേസിലിനെ കുറിച്ച് സംസാരിക്കുന്ന വീഡിയോ ഇപ്പോൾ സാമൂഹിക മാധ്യമങ്ങളിൽ വൈറലാണ്. കീർത്തിയിൽ നിന്ന് മാൻ ഓഫ് ദ ഇയർ പുരസ്‌കാരം ഏറ്റുവാങ്ങുന്ന വേളയിലാണ് നടി ബേസിലിനെ അഭിനന്ദിച്ച് സംസാരിച്ചത്. നുണക്കുഴി, സൂക്ഷ്മദർശിനി, ഗുരുവായൂരമ്പലനടയിൽ തുടങ്ങി 2024ൽ തിയേറ്ററുകളിലെത്തിയ വിവിധ ചിത്രങ്ങളിലെ പ്രകടനങ്ങളാണ് ബേസിലിനു അവാർഡ് ലഭിച്ചത്.