ആദിപുരുഷ് മാത്രമല്ല, ഒരു ഇന്ത്യൻ സിനിമയും പ്രദർശിപ്പിക്കണ്ട; 'സീത ഇന്ത്യയുടെ മകൾ' അല്ലെന്ന് കാഠ്മണ്ഡു മേയർ

ആദിപുരുഷിലെ ‘ജാനകി ഇന്ത്യയുടെ മകളാണ്’ എന്ന പരാമർശത്തിൽ നിരാശ പ്രകടിപ്പിച്ച കാഠ്മണ്ഡു മേയർ, സീത ജനിച്ചത് നേപ്പാളിൽ ആണെന്ന് അവകാശപ്പെട്ടതിന് പിന്നാലെയാണ് പുതിയ നീക്കം.

ആദിപുരുഷിലൂടെ നേപ്പാളിൽ ‘സാംസ്കാരിക കടന്നുകയറ്റം’ നടത്തിയെന്നാണ് കാഠ്മണ്ഡു മേയർ തന്റെ ട്വീറ്റിൽ ആരോപിച്ചത്. സിനിമ അതേപടി കാണിച്ചാൽ, നേപ്പാളിന്റെ ദേശീയതയ്ക്കും സാംസ്കാരിക ഐക്യത്തിനും ദേശീയ സ്വത്വത്തിനും സാരമായ തകരാർ സംഭവിക്കുമെന്നും പരിഹരിക്കാനാകാത്ത നാശം സംഭവിക്കുമെന്നും അദ്ദേഹം വ്യക്തമാക്കി.