'അകലെ ഒരു താരകമായി'; പൃഥ്വിയുടെ നയനിലെ ആദ്യഗാനം പുറത്ത്

പൃഥ്വിരാജിനെ നായകനാക്കി ജെനസ് മുഹമ്മദ് സംവിധാനം ചെയ്യുന്ന നയനിലെ ആദ്യഗാനം പുറത്ത്. 'അകലെ ഒരു താരകമായി എന്ന ഗാനമാണ് യൂട്യൂബിലൂടെ റിലീസ് ചെയ്തിരിക്കുന്നത്. ഗാനത്തിന് മികച്ച പ്രതികരണമാണ് ലഭിക്കുന്നത്. ഷാൻ റഹ്മാൻ സംഗീതം നിർവഹിച്ച ഗാനം ആലപിച്ചിരിക്കുന്നത് ഹരീബ് ഹുസൈനും ആൻ ആമിയും ചേർന്നാണ്. ഹരിനാരായണനും പ്രീതി നമ്പ്യാരുമാണ് രചന. ചിത്രത്തിന്റെ ട്രെയിലറും ഇതിനോടകം ഹിറ്റ് ചാർട്ടിൽ ഇടം നേടിക്കഴിഞ്ഞു.