Arya 2 | അല്ലുവിന്‍റെ സൂപ്പർ ഹിറ്റ് ചിത്രം 'ആര്യ 2' റീറിലീസിന്; വാനോളം പ്രതീക്ഷയിൽ ആരാധകർ

Last Updated:

ഇപ്പോഴിതാ തെലുങ്കിലും മലയാളത്തിലുമാണ് ചിത്രം റീറിലീസിനായി ഒരുങ്ങുന്നത്. അല്ലുവിന്‍റെ മലയാളം മൊഴിമാറ്റ ചിത്രങ്ങൾക്ക് വലിയൊരു കൂട്ടം ആരാധകർ തന്നെ കേരളത്തിലുണ്ട്

ആര്യ 2, അല്ലു അർജുൻ
ആര്യ 2, അല്ലു അർജുൻ
ടോളിവുഡിൻ്റെ ഐക്കൺ സ്റ്റാർ അല്ലു അർജുൻ (Allu Arjun) നായകനായ സൂപ്പർ ഹിറ്റ് ചിത്രം 'ആര്യ 2' (Arya 2) നീണ്ട 16 വർഷങ്ങൾക്ക് ശേഷം റീറിലീസിനൊരുങ്ങുന്നു. ഏപ്രിൽ ആറിനാണ് റീ-റിലീസ്. ആര്യ - സുകുമാർ കൂട്ടുകെട്ടിൽ 2009-ൽ റിലീസിനെത്തിയ ചിത്രം വൻ വിജയം നേടിയിരുന്നു. ഇപ്പോഴിതാ തെലുങ്കിലും മലയാളത്തിലുമാണ് ചിത്രം റീറിലീസിനായി ഒരുങ്ങുന്നത്. അല്ലുവിന്‍റെ മലയാളം മൊഴിമാറ്റ ചിത്രങ്ങൾക്ക് വലിയൊരു കൂട്ടം ആരാധകർ തന്നെ കേരളത്തിലുണ്ട്. ബി.വി.എസ്.എൻ. പ്രസാദ്, ആദിത്യ ആർട്സ് എന്നീ ബാനറുകളിൽ ആദിത്യ ബാബുവും ബി.വി.എസ്.എൻ. പ്രസാദും ചേർന്ന് നിർമ്മിച്ച ചിത്രം മലയാളത്തിലെ ശ്രദ്ധേയ ബാനറായ E4 എന്‍റർടെയ്ൻമെന്‍റ്സ് ആണ് വിതരണത്തിനെത്തിക്കുന്നത്. കാജൾ അഗർവാൾ, നവ്ദീപ്, ശ്രദ്ധ ദാസ് തുടങ്ങി നിരവധി താരങ്ങളാണ് ചിത്രത്തിലുള്ളത്.
'ആര്യ' എന്ന ചിത്രത്തിലൂടെയാണ് അല്ലു അർജുൻ ശ്രദ്ധിക്കപ്പെട്ടത്. ഈ സിനിമ തന്നെയായിരുന്നു അല്ലു അർജുന് ഇത്രയധികം ആരാധകരെ നേടിക്കൊടുത്തതും. തെലുങ്ക് നടനാണെങ്കിലും അല്ലുവിന് കേരളത്തിൽ നിരവധി ആരാധകരുണ്ട്. അതുപോലെ തന്നെ മലയാളത്തിലെ മൊഴിമാറ്റ ചിത്രങ്ങളുടെ ചരിത്രം തന്നെ തിരുത്തിക്കുറിച്ച സിനിമകളായിരുന്നു അല്ലു അർജുന്റേത്. അങ്ങനെ അദ്ദേഹം മലയാളികളുടെ സ്വന്തം മല്ലു അർജുനായി. 2004 ൽ പുറത്തിറങ്ങിയ 'ആര്യ' സംവിധാനം ചെയ്തത് അന്ന് നവാഗതനായ സുകുമാറായിരുന്നു. ശ്രീ വെങ്കിടേശ്വര ക്രിയേഷൻസിന്‍റെ ബാനറിൽ ദിൽ രാജു നിർമ്മിച്ച ചിത്രത്തിൽ അല്ലു അർജുനൊപ്പം അനുരാധ മേത്ത, ശിവ ബാലാജി എന്നിവരും പ്രധാന വേഷത്തിലെത്തിയിരുന്നു. ചിത്രത്തിലെ പാട്ടുകളും സൂപ്പർ ഹിറ്റായിരുന്നു. മികച്ച നിരൂപക പ്രശംസയും ചിത്രം നേടിയിരുന്നു. നാല് കോടി രൂപ ബഡ്ജറ്റിൽ നിർമ്മിച്ച ആര്യ ഏകദേശം 30 കോടി രൂപ ബോക്സോഫീസിൽ നേടി. കേരളത്തിലും ചിത്രം മികച്ച കളക്ഷൻ നേടിയിരുന്നു. അതിന്‍റെ തുടർച്ചയായെത്തിയ ആര്യ 2 വും വലിയ വിജയം നേടുകയുണ്ടായി.
advertisement
ഏറ്റവും ഒടുവിൽ 'പുഷ്പ ' യിലും 'പുഷ്പ 2'വിലും വരെ എത്തിയിരിക്കുകാണ് സുകുമാർ - അല്ലു കോംമ്പോയുടെ തേരോട്ടം. സിനിമാ ലോകത്ത് 22 വർഷങ്ങൾ പിന്നിട്ടിരിക്കുകയാണ് അല്ലു അർജുൻ. കഴിഞ്ഞ ദിവസമായിരുന്നു താരം സിനിമയിലെത്തിയതിന്‍റെ 22-ാം വാർഷികം ആഘോഷിച്ചത്. ഈ ആഘോഷത്തിന്‍റെ തുടർച്ചയെന്നോണമാണ് ഇപ്പോള്‍ ആര്യ 2 റീറിലീസിനായെത്തുന്നതും.
Summary: Allu Arjun movie Arya 2 is slated for a re-release sooner
മലയാളം വാർത്തകൾ/ വാർത്ത/Film/
Arya 2 | അല്ലുവിന്‍റെ സൂപ്പർ ഹിറ്റ് ചിത്രം 'ആര്യ 2' റീറിലീസിന്; വാനോളം പ്രതീക്ഷയിൽ ആരാധകർ
Next Article
advertisement
ഗൂഗിള്‍ മെയില്‍ നിന്ന് സോഹോ മെയിലിലേക്ക് എളുപ്പത്തില്‍ മാറാം
ഗൂഗിള്‍ മെയില്‍ നിന്ന് സോഹോ മെയിലിലേക്ക് എളുപ്പത്തില്‍ മാറാം
  • സോഹോ മെയിലിലേക്ക് മാറാന്‍ ജിമെയിലില്‍ IMAP എനേബിൾ ചെയ്യുക, സോഹോ മൈഗ്രേഷന്‍ ടൂള്‍ ഉപയോഗിക്കുക.

  • സോഹോ മെയില്‍ അക്കൗണ്ട് സൃഷ്ടിച്ച് സൗജന്യമായി സൈന്‍ അപ് ചെയ്യുക അല്ലെങ്കില്‍ പെയ്ഡ് പ്ലാന്‍ തിരഞ്ഞെടുക്കുക.

  • ജിമെയിലിൽ നിന്ന് സോഹോ മെയിലിലേക്ക് ഇമെയിലുകളും കോൺടാക്ടുകളും ഫോർവേഡ് ചെയ്ത് അക്കൗണ്ടുകൾ അപ്‌ഡേറ്റ് ചെയ്യുക.

View All
advertisement