Honey Rose | ഹണി റോസിനൊപ്പം താരസംഘടനയായ അമ്മ; നിയമപോരാട്ടങ്ങൾക്ക് പൂർണ പിന്തുണ

"മലയാള സിനിമയിലെ പ്രമുഖ നടി ഹണി റോസിനെ സമൂഹമാധ്യമങ്ങളിലൂടെ അപകീർത്തിപ്പെടുത്താനും അതുവഴി സ്ത്രീത്വത്തെയും അവരുടെ തൊഴിലിനേയും അപഹസിക്കാനും ചിലർ ബോധപൂർവ്വം നടത്തുന്ന ശ്രമങ്ങളെ മലയാള സിനിമയിലെ അഭിനേതാക്കളുടെ സംഘടനയായ അമ്മ അപലപിക്കുന്നു. മാത്രമല്ല, ഇക്കാര്യത്തിൽ ഹണി റോസ് നടത്തുന്ന നിയമപോരാട്ടങ്ങൾക്ക് 'അമ്മ' സംഘടന പൂർണ പിന്തുണ പ്രഖ്യാപിക്കുകയും

ആവശ്യമെങ്കിൽ നിയമസഹായം നൽകുവാൻ ഒരുക്കമാണെന്നും," മലയാളത്തിലെ അഭിനേതാക്കളുടെ സംഘടനയായ 'അമ്മ' അഡ്‌ഹോക്ക് കമ്മിറ്റി അറിയിച്ചു.

ഇക്കഴിഞ്ഞ ദിവസം ഹണി റോസ് തന്നെ ദ്വയാർത്ഥ പ്രയോഗങ്ങളിലൂടെ അപമാനിക്കുന്ന പ്രമുഖനെതിരെ പരസ്യ പോസ്റ്റിലൂടെ പ്രതികരണം രേഖപ്പെടുത്തിയിരുന്നു. എന്തുകൊണ്ട് ഇയാളുടെ പേര് പരാമർശിച്ചില്ല എന്നാണ് പലരും ഹണി റോസിനോട് ചോദിച്ചിട്ടുള്ളത്. പോസ്റ്റിൽ ഹണിക്ക് പിന്തുണയുമായി താരങ്ങളും എത്തിച്ചേർന്നിരുന്നു.