Daveed: ബോക്സറായി ആന്റണി വര്‍ഗീസ്; 'ദാവീദ്' ടീസര്‍ പുറത്ത്

ആന്റണി വർഗീസ് നായകനാവുന്ന ദാവീദ് എന്ന ചിത്രത്തിന്റെ ടീസർ പുറത്തിറങ്ങി. ഒരു ഗംഭീര ആക്ഷൻ ചിത്രമായിരിക്കും ദാവീദ് എന്ന് ഉറപ്പ് നൽകുന്നതാണ് ടീസർ. ഗോവിന്ദ് വിഷ്ണു സംവിധാനം ചെയ്യുന്ന ഫാമിലി ആക്ഷൻ ചിത്രം ഫെബ്രുവരി 14 ന് തിയേറ്ററുകളിലെത്തും.ബോക്സിം​ഗ് പശ്ചാത്തലത്തിൽ ഒരുങ്ങുന്ന ചിത്രത്തിൽ ആഷിഖ് അബു എന്ന ബോക്സർ കഥാപാത്രത്തെയാണ് ആന്റണി വർ​ഗീസ് അവതരിപ്പിക്കുന്നത്. കഥാപാത്രത്തിനു വേണ്ടി ആന്റണി ശരീരഭാരം കുറയ്ക്കുകയും പ്രത്യേക പരിശീലനം നേടുകയും ചെയ്തിരുന്നു. ലിജോ മോളാണ് ദാവീദിൽ ആന്റണി വർഗീസിന്റെ നായികയായി എത്തുന്നത്. പലസ്തീനിലെ ദാവീദിന്‍റെയും ഇസ്രയേലിലെ ഗോലിയാത്തിന്‍റെയും കഥ പറഞ്ഞുകൊണ്ടാണ് ടീസര്‍ ആരംഭിക്കുന്നത്.