#HBDMammootty | ഹാപ്പി ബർത്ത്ഡേ മമ്മുക്ക; മമ്മൂട്ടി ആരാധകരുടെ ആശംസ കോർത്തിണക്കിയ വീഡിയോയുമായി അനു സിതാര

Published by:user_57
news18-malayalam

Last Updated:Sep 07, 2020 8:42 AM IST

Anu Sithara compiles birthday wishes from Mammootty fans in a video | മമ്മൂട്ടിയുടെ പിറന്നാളിന് സമൂഹത്തിന്റെ നാനാ തുറകളിലുമുള്ള ആരാധകരുടെ വക പിറന്നാൾ ആശംസ കോർത്തിണക്കിയ വീഡിയോയുമായി നടി അനു സിതാര

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

കോവിഡ് പ്രതിസന്ധി ആരംഭിക്കുന്നത് വരെ മെഗാ സ്റ്റാർ മമ്മൂട്ടിയുടെ ഓരോ പുതിയ ചിത്രത്തിന്റെ റിലീസിന് മുൻപും ശേഷവും അവർ കൂടെയുണ്ടായിരുന്നു. 'ഷൈലോക്ക്' വരെ ആ പതിവ് മുടങ്ങിയിട്ടില്ല. ജോലിത്തിരക്കുകൾക്കിടയിൽ പോലും 'ഫസ്റ്റ് ഡേ ഫസ്റ്റ് ഷോ' ടിക്കറ്റ് എടുത്ത് കാണാൻ അവർ മുൻനിരയിലുണ്ടായി. ആർപ്പുവിളിച്ചും കരഘോഷം മുഴക്കിയും താരങ്ങളെ താരരാജാക്കന്മാർ ആക്കുന്നതിൽ എന്നും വളരെ വലിയൊരു പങ്കുവഹിച്ചവരാണ് ആരാധകർ.

ചുമടെടുക്കുന്നവരും, ഓട്ടോ ഓടിക്കുന്നവരും, വർക്ഷോപ് പണിക്കാരും, കെട്ടിടം പണിക്കാരും എന്നിങ്ങനെ ദിവസേന നമ്മൾ കണ്ടുമുട്ടുന്ന വിവിധ ഇടങ്ങളിലെ തൊഴിലാളികൾ അക്കൂട്ടത്തിലുണ്ട്.

മമ്മൂട്ടിയുടെ പിറന്നാളിന് സമൂഹത്തിന്റെ നാനാ തുറകളിലുമുള്ള ആരാധകരുടെ വക പിറന്നാൾ ആശംസകൾ കോർത്തിണക്കിയ ഒരു വീഡിയോ അവതരിപ്പിക്കുകയാണ് നടി അനു സിതാര. (വീഡിയോ ചുവടെ)

View this post on Instagram

Happy birthday dear mammooka ❤️❤️❤️❤️😘😘😘😘😘 #fangirl #mammooka #birthday @mammootty

A post shared by Anu Sithara (@anu_sithara) on Sep 6, 2020 at 11:30am PDT

'ഒരു കുട്ടനാടൻ ബ്ലോഗ്' എന്ന സിനിമയിൽ മമ്മൂട്ടിക്കൊപ്പം അനു സിതാര വേഷമിട്ടിട്ടുണ്ട്. ഒരു മിനിട്ടു നീളം വരുന്ന വീഡിയോയിൽ ഒട്ടേറെ മമ്മൂട്ടി ആരാധകർ ആശംസ അറിയിക്കുന്നുണ്ട്. മമ്മൂട്ടിയുടെ പിറന്നാൾ ദിനത്തിൽ താരങ്ങൾ ഉൾപ്പെടുന്ന സഹപ്രവർത്തകർ ആശംസ അറിയിച്ചിട്ടുണ്ട്.