നിർമാതാവിനോട് കഥപറഞ്ഞു മടങ്ങവേ ബസിൽ വെച്ച് ഹൃദയാഘാതമുണ്ടായ തമിഴ് സംവിധായകൻ വിക്രം സുകുമാരൻ അന്തരിച്ചു

തമിഴ് ചലച്ചിത്ര സംവിധായകൻ വിക്രം സുഗുമാരൻ (Vikram Sugumaran) ഹൃദയാഘാതത്തെ തുടർന്ന് അന്തരിച്ചു. ശക്തമായ ഗ്രാമീണ ആഖ്യാനങ്ങൾക്കും റിയലിസ്റ്റിക് കഥപറച്ചിലിനും പേരുകേട്ട സിനിമകളുടെ ശില്പിയാണ്. മധുരയിൽ നിന്ന് ചെന്നൈയിലേക്കുള്ള ബസിൽ യാത്ര ചെയ്യുന്നതിനിടെയായിരുന്നു മരണം എന്ന് റിപ്പോർട്ട്. നിർമാതാവിനോട് കഥപറഞ്ഞു മടങ്ങവേ ഹൃദയാഘാതം സംഭവിക്കുകയായിരുന്നു. അദ്ദേഹത്തിന്റെ അകാല മരണവാർത്ത തമിഴ് ചലച്ചിത്ര മേഖലയെ ആകെ ഞെട്ടിച്ചു കഴിഞ്ഞു. വർഷങ്ങളായി അദ്ദേഹത്തോടൊപ്പം പ്രവർത്തിച്ച സുഹൃത്തുക്കളും സഹപ്രവർത്തകരും അന്തരിച്ച സംവിധായകനെ അനുസ്മരിച്ച് സോഷ്യൽ മീഡിയയിൽ ദുഃഖം രേഖപ്പെടുത്തി.