Gokulam Gopalan | ഗോകുലം ഗോപാലനെ വീണ്ടും ചോദ്യം ചെയ്യും; നിർമിച്ച ചിത്രങ്ങളിലേക്കും അന്വേഷണം നീളും

വ്യവസായി ഗോകുലം ഗോപാലന്റെ (Gokulam Gopalan) ധനകാര്യ സ്ഥാപനങ്ങളിലെ എൻഫോഴ്‌സ്‌മെന്റ് ഡയറക്റ്ററേറ്റ് (Enforcement Directorate: ഇഡി) അന്വേഷണം തുടരുന്നു. സാമ്പത്തിക ഇടപാടുകളുമായി ബന്ധപ്പെട്ട ചില രേഖകൾ സംഘം പിടിച്ചെടുത്തിരുന്നു. ഇത് പരിശോധിച്ച ശേഷം ഗോകുലം ഗോപാലനെ വീണ്ടും ചോദ്യം ചെയ്യാനാണ് തീരുമാനം. ഗോകുലം ഗോപാലൻ നിർമിച്ച ചിത്രങ്ങളെ കുറിച്ചും അന്വേഷണം നടത്തും. വിദേശത്ത് നിന്ന് എത്തിയ പണമാണ് എമ്പുരാൻ അടക്കമുള്ള സിനിമകൾ നിർമിക്കാൻ ഉപയോഗിച്ചതെന്നാണ് ഇഡിയുടെ നിഗമനം. ഗോകുലം ഗോപാലൻ ഡയറക്ടറായ കമ്പനികൾ മറ്റ് സ്ഥാപനങ്ങളിൽ നടത്തിയ നിക്ഷേപങ്ങളും അന്വേഷണ പരിധിയിലുണ്ട്.