Prithviraj | പൃഥ്വിരാജിന്റെ പേരിലും വ്യാജ ക്ലബ് ഹൗസ് അക്കൗണ്ടുകൾ; ജാഗരൂഗരാവാൻ പോസ്റ്റുമായി താരം

വ്യാജ ക്ലബ്ഹൗസ് അക്കൗണ്ടിന്റെ കാര്യം നടൻ ദുൽഖർ സൽമാനും ചൂണ്ടിക്കാട്ടിയിട്ടുണ്ട്.

ദുൽഖറിന്റെ പേരിൽ പ്രചരിക്കുന്നത് വ്യാജ അക്കൗണ്ടുകളാണ്. തന്റെ പേരിൽ വ്യാജ അക്കൗണ്ടുകൾ സോഷ്യൽ മീഡിയയിൽ തുറക്കുന്നത് നല്ലതല്ല എന്ന് ദുൽഖർ ട്വിറ്ററിൽ പോസ്റ്റ് ചെയ്ത സന്ദേശത്തിൽ പറയുന്നു. അതിനാൽ തന്നെ ആരാധകരും പ്രേക്ഷകരും അത്തരം പ്രൊഫൈലുകൾ ദുൽഖറിന്റേതായി കരുതേണ്ടതില്ല.

കഴിഞ്ഞ ദിവസം നടൻ ഉണ്ണി മുകുന്ദൻ പ്രേക്ഷകരുമായി സംവദിച്ചിരുന്നു. ഒരു ക്ലബ്ബിൽ 5000 പേർക്ക് വരെ പങ്കെടുക്കാം എന്നതാണ് ക്ലബ്ഹൗസിന്റെ പ്രധാന ആകർഷണം. കൂടാതെ താരവുമായി നേരിട്ട് സംവദിക്കുകയും മറുപടി കേൾക്കുകയും ചെയ്യാം. മോഡറേറ്റർമാർക്ക് ചർച്ച നിയന്ത്രിക്കാനും സാധിക്കും.

ഒട്ടേറെ താരങ്ങൾ ഇതിനോടകം ക്ലബ്ഹൗസ് മെമ്പർമാരായിട്ടുണ്ട്. ആ അക്കൗണ്ടുകളിൽ ഒഫീഷ്യൽ എന്ന് തെളിയിക്കുന്ന നീല ടിക്ക് മാർക്ക് ഇല്ല എന്നതാണ് വ്യാജനെ ആരാധകർ എളുപ്പം വിശ്വസിക്കാൻ കാരണം. ചിലർ തങ്ങളുടെ മറ്റു സോഷ്യൽ മീഡിയ ഹാൻഡിലുകളിൽ ഔദ്യോഗിക ക്ലബ്ഹൗസ് അക്കൗണ്ടിനെ കുറിച്ച് പോസ്റ്റ് ചെയ്യാറുണ്ട്. ഇത്തരം അക്കൗണ്ടുകൾ ഫോളോ ചെയ്താൽ വ്യാജനിൽ വീഴാതിരിക്കാൻ ഫോളോവേഴ്‌സിന് സാധിക്കും. മോഹൻലാലിന്റേയും മമ്മൂട്ടിയുടേയും പേരിൽ ക്ലബ്ഹൗസ് പ്രൊഫൈലുകൾ തുറന്നിട്ടുണ്ട്.