വിക്കി കൗശലിന്റെ ചിത്രം കാണാൻ 'മഹാരാജാവായി' കുതിരപ്പുറത്തെത്തി ആരാധകൻ; വൈറലായി 'ഛാവ' തിയേറ്റർ വീഡിയോ

ബോളിവുഡ് താരം വിക്കി കൗശലിനെ നായകനാക്കി ലക്ഷ്മൺ ഉത്തേക്കർ സംവിധാനം ചെയ്ത ഹിസ്റ്റോറിക്കൽ ആക്ഷൻ ചിത്രമാണ് 'ഛാവ'. ഫെബ്രുവരി 14 ന് തിയേറ്ററുകളിലെത്തിയ ചിത്രത്തിന് മികച്ച പ്രേക്ഷക പ്രതികരണങ്ങളാണ് ലഭിക്കുന്നത്. ചിത്രം 150 കോടി കളക്ഷൻ നേടിയതായുള്ള റിപ്പോർട്ടുകൾ കഴിഞ്ഞ ദിവസം പുറത്തുവന്നിരുന്നു. ഇപ്പോഴിതാ ചിത്രം പ്രദർശിപ്പിക്കുന്ന തീയേറ്ററിൽ നിന്നുള്ള ഒരു ആരാധകന്റെ ദൃശ്യങ്ങൾ വൈറലാവുകയാണ്. തിയേറ്ററിൽ കുതിരപ്പുറത്തെത്തിയ ഒരു ആരാധകന്റെ ദൃശ്യങ്ങളാണ് വൈറലാകുന്നത്. നാഗ്പുരിലാണ് സംഭവം. ഛത്രപതി സംഭാജി മഹാരാജാവിന്റെ വേഷത്തിലാണ് ഇയാൾ കുതിരപ്പുറത്തെത്തിയത്. ഈ ദൃശ്യങ്ങള്‍ സാമൂഹികമാധ്യമങ്ങളില്‍ വ്യാപകമായി പ്രചരിക്കുന്നുണ്ട്.