ലഹരിയെ പ്രോൽസാഹിപ്പിക്കുകയാണെന്ന് നാട്ടുകാർ കരുതില്ലേ? മമ്മൂട്ടി, ഖാലിദ് റഹ്മാൻ സഹകരണത്തെ വിമർശിച്ച് ഹരീഷ് പേരടി

"ഒരു പൊതു പ്രവർത്തകൻ കുറച്ച് നേരം കൂടെ നിന്നപ്പോൾ 'ഞാൻ നിങ്ങൾക്ക് വേണ്ടി വന്നതാണെന്ന് നാട്ടുകാർ കരുതില്ലേ' എന്ന തോന്നിയ മമ്മുക്കക്ക് ഹൈബ്രിഡ് കഞ്ചാവ് കേസിൽ അറസ്റ്റിലായ ഒരു സംവിധായകനുമായി വീണ്ടും സഹകരിക്കാൻ തയ്യാറാവുമ്പോൾ ഞാൻ ലഹരിയെ പ്രോൽസാഹിപ്പിക്കുകയാണെന്ന് നാട്ടുകാർ കരുതില്ലേ...എന്ന് തോന്നാത്തത് എന്തുകൊണ്ടാണ്?... എനിക്കറിയില്ല... ഏതാണ് ശരി എന്നും എനിക്കറിയില്ല..." എന്നാണ് പേരടിയുടെ പോസ്റ്റ്.

ഖാലിദ് റഹ്മാനുമായുള്ള 'മട്ടാഞ്ചേരി മാഫിയ' എന്ന പേരിലെ പുതിയ ചിത്രം ഇക്കഴിഞ്ഞ ദിവസം പ്രഖ്യാപിച്ചിരുന്നു. മമ്മൂട്ടിക്കൊപ്പം ആസിഫ് അലി, നസ്ലെൻ എന്നിവർ പ്രധാന വേഷങ്ങളിൽ എത്തുന്നു എന്ന പ്രത്യേകതയും ചിത്രത്തിനുണ്ട്. ഗാങ്സ്റ്റർ ആക്ഷൻ - കോമഡി എന്റർടെയ്നറായി ഒരുങ്ങുന്ന ചിത്രമാണിത്. ഖാലിദ് റഹ്മാന്റെ ആലപ്പുഴ ജിംഖാനയും, തല്ലുമാലയും, അനുരാഗ കരിക്കിൻ വെള്ളവും ശ്രദ്ധേയ ചിത്രങ്ങളായിരുന്നു. മട്ടാഞ്ചേരി മാഫിയയിലൂടെ പുതുമയാർന്നതും മാസ് എലമെന്റുകൾ നിറഞ്ഞതുമായ ഒരു സിനിമാനുഭവം സമ്മാനിക്കുമെന്നാണ് അണിയറപ്രവർത്തകരുടെ ഉറപ്പ്.

Summary: Hareesh Peradi has criticised actor Mammootty's new collaboration with 'Unda' director Khalid Rahman. In April last year, director Khalid Rahman and Ashraf Hamza were arrested for possession of hybrid cannabis. Peradi's remarks came after he posted a picture of Mammootty with a party worker, which recently became controversial. A new film titled 'Mattancherry Mafia' with Khalid Rahman was announced recently. The film also has the distinction of starring Mammootty along with Asif Ali and Nazlen in the lead roles