L2 Empuraan : എമ്പുരാൻ വിവാദത്തിൽ മുഖ്യമന്ത്രി സർവ്വകക്ഷി യോഗം വിളിക്കണമെന്ന് ഹരീഷ് പേരടി

തിരുവനന്തപുരം: എമ്പുരാൻ സിനിമ സോഷ്യൽമീഡിയയിൽ വൻ ചർച്ചയാകുന്ന സാഹചര്യത്തിൽ ചേരി തിരിഞ്ഞുള്ള തർക്കങ്ങൾ അവസാനിക്കാൻ മുഖ്യമന്ത്രി ഇടപെടണമെന്ന് നടൻ ഹരീഷ് പേരടി. ഒരു കലാ സൃഷ്ടിയുടെ പേരിൽ സമാനതകളില്ലാത്ത രീതിയിൽ സമൂഹം രണ്ടായി നിന്ന് പോരാടുന്ന അപകടകരമായ ഒരു കാഴച്ചയാണ് കഴിഞ്ഞ കുറച്ച് ദിവസങ്ങളായി ഇവിടെ തുടരുന്നതെന്നും ഹരീഷ് പേരടി പറഞ്ഞു. ഫെയ്സ്ബുക്ക് പോസ്റ്റിലൂടെയായിരുന്നു താരം തന്റെ അഭിപ്രായം പ്രകടിപ്പിച്ചത്.