'ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല; പ്രതികരിക്കേണ്ടത് നമ്മുടെ കടമ'; സലിം കുമാര്
- Published by:Jayesh Krishnan
- news18-malayalam
Last Updated:
ലക്ഷദ്വീപില് നിന്ന് കേരളത്തിലേക്ക് അധികം ദൂരം ഇല്ലന്നോര്ക്കണമെന്ന് സലിം കുമാര് ഫേസ്ബുക്കില് കുറിച്ചു.
കൊച്ചി: ലക്ഷദ്വീപ് ജനതയുടെ അസ്തിത്വവും സംസ്കാരവും ചോദ്യം ചെയ്യപ്പെട്ടുകൊണ്ടിരിക്കുന്ന ഘട്ടത്തില് അവരെ ചേര്ത്ത് പിടിക്കാനുളള ഉത്തരവാദിത്വം ഉണ്ടെന്ന് സലിം കുമാര്. അവര്ക്ക് വേണ്ടി പ്രതികരിക്കേണ്ടത് നമ്മുടെ കടമയാണ്. ലക്ഷദ്വീപില് നിന്ന് കേരളത്തിലേക്ക് അധികം ദൂരം ഇല്ലന്നോര്ക്കണമെന്ന് സലിം കുമാര് ഫേസ്ബുക്കില് കുറിച്ചു.
സലീം കുമാറിന്റെ ഫേസ്ബുക്ക് പോസ്റ്റിന്റെ പൂര്ണരൂപം
'അവര് സോഷ്യലിസ്റ്റുകളെ തേടി വന്നു,
ഞാന് ഭയപ്പെട്ടില്ല, കാരണം ഞാനൊരു സോഷ്യലിസ്റ്റ് അല്ല.
പിന്നീടവര് തൊഴിലാളികളെ തേടി വന്നു
അപ്പോഴും ഞാന് ഭയപ്പെട്ടില്ല,
കാരണം ഞാനൊരു തൊഴിലാളി അല്ല.
പിന്നീടവര് ജൂതന്മാരെ തേടി വന്നു.
അപ്പോഴും ഞാന് ഭയപ്പെട്ടില്ല,
കാരണം ഞാനൊരു ജൂതനായിരുന്നില്ല.
ഒടുവില് അവര് എന്നെ തേടി വന്നു.
അപ്പോള് എനിക്ക് വേണ്ടി സംസാരിക്കാന് ആരുമുണ്ടായിരുന്നില്ല.'
ഇത് പാസ്റ്റര് മാര്ട്ടിന് നിമോളറുടെ ലോക പ്രശസ്തമായ വാക്കുകളാണ്. ഈ വാചകങ്ങള് ഇവിടെ പ്രതിപാദിക്കാനുള്ള കാരണം ലക്ഷദ്വീപ് ജനതയുടെ അസ്തിത്വവും സംസ്കാരവും ചോദ്യം ചെയ്യപ്പെട്ടുകൊണ്ടിരിക്കുന്ന ഈ ഘട്ടത്തില്, അതിനേറെ പ്രസക്തി ഉള്ളതുകൊണ്ടാണ്.
advertisement
ജീവിതത്തിലെ ഏതാണ്ട് ഒട്ടുമുക്കാല് ആവിശ്യങ്ങള്ക്കും കേരളത്തെ ആശ്രയിച്ചു ജീവിക്കുന്ന നിഷ്കളങ്കരായ ആ ദ്വീപ് നിവാസികളെ ചേര്ത്ത് പിടിക്കാനുള്ള ഉത്തരവാദിത്വം നമുക്കുണ്ട്.
ചേര്ത്ത് നിര്ത്താം, അവര്ക്ക് വേണ്ടി പ്രതികരിക്കാം. അത് നമ്മളുടെ കടമയാണ്, കാരണം ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല എന്നോര്ക്കുക.
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 24, 2021 10:45 PM IST
മലയാളം വാർത്തകൾ/ വാർത്ത/Film/
'ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല; പ്രതികരിക്കേണ്ടത് നമ്മുടെ കടമ'; സലിം കുമാര്
