Janhvi Kapoor | നാടൻ പെണ്ണായി ജാൻവി കപൂർ; ദേവരയിലെ 'തങ്കത്തിന്റെ' ലുക്ക് പുറത്തുവിട്ട് അണിയറപ്രവർത്തകർ

കൊരട്ടല ശിവയുടെ എൻടിആർ ചിത്രം ദേവരയിലെ നായികയായ ജാന്‍വി കപൂറിന് ജന്മദിനാശംസകള്‍ നേര്‍ന്നുകൊണ്ട് ദേവര ടീം. സോഷ്യല്‍ മീഡിയയിലൂടെയാണ് ദേവര ടീം തങ്ങളുടെ നായികയ്ക്ക് ആശംസ അര്‍പ്പിച്ചത്. ഞങ്ങളുടെ സ്വന്തം 'തങ്കം' ജാന്‍വി കപൂറിന് പിറന്നാളാശംസകള്‍' എന്ന കുറിപ്പോടുകൂടി ചിത്രത്തിലെ ജാന്‍വിയുടെ ലുക്ക് പുറത്തുവിട്ടുകൊണ്ടുള്ള പോസ്റ്ററും ടീം പോസ്റ്റ്‌ ചെയ്തിരുന്നു. ജാന്‍വിയുടെ ആദ്യ തെന്നിന്ത്യന്‍ ചിത്രമാണ് ദേവര. രണ്ടു ഭാഗങ്ങളായി ഒരുങ്ങുന്ന ചിത്രത്തിന്റെ ഒന്നാം ഭാഗം 2024 ഒക്ടോബര്‍ 10-ന് റിലീസാവും. ചിത്രത്തിന്റെ നേരത്തെ പുറത്തിറങ്ങിയ പോസ്റ്ററുകളും ഗ്ലിംപ്സ് വീഡിയോയും ഏറെ ശ്രദ്ധിക്കപ്പെട്ടിരുന്നു.