മാദക സുന്ദരിയായി ജാൻവി കപൂർ; 'ധീരേ ധീരേ' ഒരു ദിവസത്തിനുള്ളിൽ കണ്ടത് അരക്കോടിയിലേറെ പേർ

കൊരട്ടല ശിവയുടെ എൻ.ടി.ആർ. ചിത്രം ദേവര പാര്‍ട്ട്‌ 1 എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി. 'കണ്ണിണതൻ കാമനോട്ടം' എന്നു തുടങ്ങുന്ന ഗാനം ഒരു റൊമാന്റിക്‌ മെലഡിയാണ്. മാദക സുന്ദരിയായി ജാൻവി കപൂർ നിറഞ്ഞാടിയ വീഡിയോ ഒരു ദിവസം തികയും മുൻപേ അരക്കോടിയിലേറെ വ്യൂസ് നേടി. അനിരുദ്ധ് സംഗീതം നല്‍കുന്ന ഗാനത്തിന്റെ മലയാളം വരികൾ എഴുതിയിരിക്കുന്നത് മങ്കൊമ്പ് ഗോപാലകൃഷ്ണനാണ്. ശില്പ റാവുവാണ് ഈ ഗാനം ആലപിച്ചിരിക്കുന്നത്. വലിയ ബജറ്റില്‍ രണ്ടു ഭാഗങ്ങളായാണ് ചിത്രം ഒരുങ്ങുന്നത്. ചിത്രത്തിന്റെ നേരത്തെ പുറത്തിറങ്ങിയ ഗാനവും പോസ്റ്ററുകളും ഗ്ലിംപ്സ് വീഡിയോയും ഏറെ ശ്രദ്ധിക്കപ്പെട്ടിരുന്നു. സെപ്റ്റംബര്‍ 27-നാണ് ചിത്രം തീയറ്ററുകളിലെത്തുക.