'ഭക്തനായി നിരവധി തവണ എത്തിയ ആറ്റുകാൽ ക്ഷേത്രമുറ്റത്ത് മേളപ്രമാണിയാകാൻ കഴിഞ്ഞത് ഭാഗ്യം'; ജയറാം

ആറ്റുകാൽ ക്ഷേത്രത്തിൽ മേളപ്രമാണിയാകാൻ കഴിഞ്ഞത് ഭാ​ഗ്യമെന്ന് ജയറാം പറഞ്ഞു. ജീവിതത്തിലെ ഏറ്റവും വലിയ ഭാ​ഗ്യമാണ് തന്നെ തേടിയെത്തിയത്. ഇത്തരമൊരു ഫെസ്റ്റിവൽ ഇവിടെ നടന്നു എന്നുപോലും അറിയാത്ത രീതിയിൽ തിരുവനന്തപുരത്തെ അത്ര മനോഹരമാക്കി മാറ്റിയെടുക്കുന്ന ഒരു ഉത്സവത്തിന്‍റെ ഭാഗമായി നിൽക്കാൻ പറ്റുക എന്നാൽ തന്‍റെ ജീവിതത്തിലെ മഹാഭാ​ഗ്യങ്ങളിലൊന്നെന്നായിരുന്നു എന്നാണ് ജയറാമിന്റെ വാക്കുകൾ. ആറ്റുകാൽ പൊങ്കാല കണ്ടും കൊണ്ടും അറിയണമെന്ന് പറഞ്ഞായിരുന്നു നടൻ വാക്കുകൾ അവസാനിപ്പിച്ചത്.

തിരുവനന്തപുരം ന​ഗരവും ന​ഗരവാസികളും ആറ്റുകാൽ പൊങ്കാലയ്ക്കുള്ള അവസാന നിമിഷത്തെ ഒരുക്കത്തിലാണ്. ഉത്സവത്തിന്റെ ഭാ​ഗമായുള്ള കലാപരിപാടികൾ എല്ലാ ദിവസവും നടക്കുന്നുണ്ട്. ഉത്സവത്തിന്റെ ഒൻപതാം ദിവസമായ 13-നാണ് പൊങ്കാല നടക്കുന്നത്.