പാട്ട് കൊണ്ട് കോരിത്തരിപ്പിച്ചു; ഇനി ജൂനിയർ എൻ.ടി.ആർ.- ജാൻവി കപൂർ ചിത്രത്തിന്റെ ട്രെയ്‌ലറിന്റെ വരവ്

പാട്ടുകൾ കൊണ്ട് പ്രേക്ഷകരെ പുളകംകൊളിച്ച ജൂനിയർ എൻ.ടി.ആർ.- ജാൻവി കപൂർ (Janhvi Kapoor) ചിത്രത്തിന്റെ ട്രെയ്‌ലർ ഇന്നിറങ്ങും. എൻ.ടി. രാമറാവു ജൂനിയറിനെ നായകനാക്കി കൊരട്ടല ശിവ സംവിധാനം ചെയ്യുന്ന 'ദേവര'യുടെ (Devara) ട്രെയ്‌ലർ വൈകിട്ട് 5 മണിക്ക് പുറത്തുവിടും. യുവസുധ ആർട്ട്‌സും എൻടിആർ ആർട്സും ചേർന്ന് നിർമ്മിക്കുന്ന ഈ ബിഗ് ബഡ്ജറ്റ് ചിത്രം രണ്ട് ഭാഗങ്ങളായാണ് പ്രദർശനത്തിനെത്തുക. ആദ്യഭാ​ഗം തെലുങ്ക്, തമിഴ്, കന്നഡ, ഹിന്ദി, മലയാളം എന്നീ ഭാഷകളിലായി സെപ്റ്റംബർ 27 മുതൽ തിയറ്ററുകളിലെത്തും. നന്ദമുരി കല്യാൺ റാമാണ് ചിത്രം അവതരിപ്പിക്കുന്നത്.