Kanguva OTT: ഇനിയും ട്രോളുകൾ താങ്ങില്ല; കങ്കുവ ഒടിടിയിലെത്തിയത് 13 മിനിറ്റ് ട്രിം ചെയ്തതിനുശേഷം

Last Updated:

സിനിമയുടെ ആദ്യപകുതിയിൽ നിന്നാണ് ഭാഗങ്ങൾ നീക്കം ചെയ്തിരിക്കുന്നത്

News18
News18
തമിഴ് സൂപ്പർ താരം സൂര്യയെ നായകനാക്കി സിരുത്തൈ ശിവ സംവിധാനം നിർവഹിച്ച ബിഗ് ബജറ്റ് ചിത്രമാണ് കങ്കുവ. വൻ ഹൈപ്പോടെ എത്തിയ ചിത്രത്തിന് തീയേറ്ററുകളിൽ പ്രതീക്ഷച്ചതുപോലുള്ള വിജയം നേടാൻ കഴിഞ്ഞിരുന്നില്ല.350 കോടി മുതൽമുടക്കിൽ എത്തിയ ചിത്രത്തിന് പകുതി പോലും തിരിച്ചുപിടിക്കാൻ കഴിഞ്ഞില്ലന്നാണ് റിപ്പോർട്ടുകൾ സൂചിപ്പിക്കുന്നത്.കഴിഞ്ഞ ദിവസമാണ് ചിത്രം ആമസോൺ പ്രൈമിലൂടെ ഒടിടി റിലീസ് ചെയ്തത്. 3 മിനിറ്റോളം രംഗങ്ങൾ നീക്കം ചെയ്ത ശേഷമാണ് ചിത്രം ഒടിടിയിലെത്തിയത് എന്നാണ് ഇപ്പോൾ പുറത്തുവരുന്ന വാർത്തകൾ സൂചിപ്പിക്കുന്നത് .
advertisement
ചിത്രത്തിന്റെ ആദ്യപകുതിയിൽ നിന്നാണ് ഭാഗങ്ങൾ നീക്കം ചെയ്തിരിക്കുന്നത്. യോലോ എന്ന ഗാനം പൂർണ്ണമായി നീക്കം ചെയ്തതിനൊപ്പം ദിഷ പഠാനി അവതരിപ്പിച്ച എയ്ഞ്ചലീനയുടെ പല രംഗങ്ങളും നീക്കം ചെയ്തിട്ടുണ്ട്. അതിനൊപ്പം 'ദി ബോയ്സ്', 'മോയെ മോയെ' സീനുകളും യോഗി ബാബുവിന്റെ ചില രംഗങ്ങളും ഒടിടി പതിപ്പിൽ നിന്ന് നീക്കം ചെയ്തിട്ടുണ്ട്.എന്നാൽ സിനിമയുടെ മോശം പെര്‍ഫോമന്‍സിനെ കുറിച്ചുള്ള തമിഴ്‌നാട് തിയേറ്റര്‍ ഉടമകളുടെ വാക്കുകൾ ഇപ്പോൾ സമൂഹമാധ്യമങ്ങളിലൂടെ പ്രചരിക്കുന്നുണ്ട്. റിലീസിന് മുന്നോടിയായി അണിയറ പ്രവര്‍ത്തകരടക്കം നടത്തിയ പല പ്രസ്താവനകളും ചിത്രത്തെ കുറിച്ച് അനാവശ്യ ഹൈപ്പുയര്‍ത്തിയെന്ന് ചില തിയേറ്റര്‍ ഉടമകള്‍ അഭിപ്രായപ്പെട്ടു. റെഡ്‌നൂല്‍ എന്ന യൂട്യൂബ് ചാനല്‍ നടത്തിയ ചര്‍ച്ചയില്‍വെച്ചാണ് കങ്കുവയെ കുറിച്ച് ഇവര്‍ തുറന്ന് സംസാരിച്ചത്. 'സിനിമ നന്നായി തിയേറ്ററില്‍ ഓടിയേനെ. എന്നാല്‍ ചിലര്‍ അഭിമുഖങ്ങളില്‍ ചിത്രത്തെ കുറിച്ച് വലിയ പ്രതീക്ഷ നല്‍കും വിധം സംസാരിച്ചു. ഇതാണ് തിരിച്ചടിയായത്,' രോഹിണി തിയേറ്റര്‍ ഉടമ രേവന്ത് പറഞ്ഞു. നവംബര്‍ 14നായിരുന്നു കങ്കുവ തിയേറ്ററുകളില്‍ റിലീസ് ചെയ്തത്.
advertisement
സിരുത്തൈ ശിവ സംവിധാനം ചെയ്ത ചിത്രത്തില്‍ കങ്കുവ, ഫ്രാന്‍സിസ് എന്നിങ്ങനെ ഇരട്ടവേഷങ്ങളിലാണ് സൂര്യ എത്തിയത്. ബോളിവുഡ് നടന്‍ ബോബി ഡിയോളാണ് വില്ലന്‍ കഥാപാത്രത്തെ അവതരിപ്പിച്ചത്. അമിതമായ ശബ്ദവും തിരക്കഥയിലെ ആവര്‍ത്തനവിരസതയും പാളിച്ചകളുമാണ് കങ്കുവയ്ക്ക് തിരിച്ചടിയായത്. ഈ വര്‍ഷത്തെ ഏറ്റവും വലിയ പരാജയങ്ങളിലൊന്നാണ് ചിത്രമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
മലയാളം വാർത്തകൾ/ വാർത്ത/Film/
Kanguva OTT: ഇനിയും ട്രോളുകൾ താങ്ങില്ല; കങ്കുവ ഒടിടിയിലെത്തിയത് 13 മിനിറ്റ് ട്രിം ചെയ്തതിനുശേഷം
Next Article
advertisement
റാഫേൽ യുദ്ധവിമാനത്തിൽ പറന്നുയർന്ന് പ്രസിഡന്റ് ദ്രൗപതി മുർമു
റാഫേൽ യുദ്ധവിമാനത്തിൽ പറന്നുയർന്ന് പ്രസിഡന്റ് ദ്രൗപതി മുർമു
  • ഹരിയാനയിലെ അംബാലയിൽ നിന്ന് 30 മിനിറ്റ് റാഫേൽ യുദ്ധവിമാനത്തിൽ പറന്നു പ്രസിഡന്റ് ദ്രൗപതി മുർമു.

  • 2023 ഏപ്രിലിൽ സുഖോയ്-30 എംകെഐയിൽ പറന്നതിന് ശേഷം മുർമുവിന്റെ രണ്ടാം യുദ്ധവിമാന പറക്കലാണ്.

  • റാഫേൽ യുദ്ധവിമാനത്തിൽ പറക്കുന്ന ആദ്യ ഇന്ത്യൻ രാഷ്ട്രപതിയാണ് ദ്രൗപതി മുർമു.

View All
advertisement