Mammootty | രണ്ട് ദേശം, രണ്ട് ഭാഷ, രണ്ട് സംസ്കാരം ഒരേ ശരീരത്തില്‍ ആവാഹിച്ച മഹാപ്രതിഭ

കാലം എത്ര കടന്നു പോയി.. ഇതിനിടെ ആരൊക്കെ വന്നു ആരൊക്കെ പോയി… എന്നിട്ടും മലയാള സിനിമയുടെ  അഭ്രപാളിയില്‍ ഇന്നും തിളക്കം മങ്ങാത്ത നക്ഷത്രമായി മമ്മൂട്ടി തെളിഞ്ഞു നില്‍ക്കുന്നു. കാലം എത്ര കഴിഞ്ഞാലും വീണ്ടും മിനുക്കിയാല്‍ വെട്ടിത്തിളങ്ങുന്ന വിളക്ക് പോലെ അയാള്‍ തന്‍റെ പകര്‍ന്നാട്ടം തുടരുന്നു. ‘ഞാനൊരു സോകോള്‍ഡ് ബോണ്‍ ആക്ടര്‍ അല്ല’ എന്ന് മമ്മൂട്ടി പലതവണ പറഞ്ഞിട്ടുണ്ട്. പക്ഷെ ചില വേഷങ്ങള്‍ ചില ജീവിത സാഹചര്യങ്ങള്‍ അത് പ്രേക്ഷകരിലേക്ക് എത്തിക്കാന്‍ അദ്ദേഹത്തെ പോലെ മറ്റൊരാളെ ഇനി കണ്ടെത്തേണ്ടിയിരിക്കുന്നു.