• HOME
  • »
  • NEWS
  • »
  • film
  • »
  • KGF 2 | ബോക്സ് ഓഫീസ് അടിച്ച് തൂഫാനാക്കി 'റോക്കി ഭായ്'; നാല് ദിവസത്തിനുള്ളില്‍ 546 കോടി

KGF 2 | ബോക്സ് ഓഫീസ് അടിച്ച് തൂഫാനാക്കി 'റോക്കി ഭായ്'; നാല് ദിവസത്തിനുള്ളില്‍ 546 കോടി

ചിത്രത്തിന്റെ ഏറ്റവും ഒടുവിലത്തെ ബോക്‌സ് ഓഫീസ് കളക്ഷന്‍ റിപ്പോര്‍ട്ട് പുറത്തുവിട്ടിരിക്കുകയാണ്

  • Share this:
    ബോക്‌സ് ഓഫീസില്‍ പടയോട്ടം തുടര്‍ന്ന് കെജിഎഫ് ചാപ്റ്റര്‍ 2(KGF Chapter 2). യഷ്(Yash) നായകനായി എത്തിയ ചിത്രത്തെ പ്രേക്ഷകര്‍ ഏറെ പ്രതീക്ഷയോടെയായിരുന്നു കാത്തിരുന്നത്. ഇന്ത്യയില്‍ നിന്നുമാത്രം ആദ്യദിനം 134.5 കോടി രൂപയാണ് സിനിമ നേടിയിരിക്കുന്നത്. ഇപ്പോഴിതാ നാല് ദിവസം കൊണ്ട് ചിത്രം നേടിയെടുത്തിരിക്കുന്നത് 500 കോടി രൂപയിലധികം രൂപയാണ്.

    ചിത്രത്തിന്റെ ഏറ്റവും ഒടുവിലത്തെ ബോക്‌സ് ഓഫീസ് കളക്ഷന്‍ റിപ്പോര്‍ട്ട് പുറത്തുവിട്ടിരിക്കുകയാണ്. 'കെജിഎഫ് രണ്ട്' ചിത്രം ഇതുവരെ 546 കോടി രൂപയാണ് ആഗോള തലത്തില്‍ സ്വന്തമാക്കിയിരിക്കുന്നത്. ഒരു കന്നഡ ചിത്രത്തിന്റെ റെക്കോര്‍ഡ് കളക്ഷന്‍ ആണ് ഇത്. ഇന്ത്യന്‍ ബോക്‌സ് ഓഫീസിലെ തന്നെ പല റെക്കോര്‍ഡുകളും കടപുഴക്കിയാണ് 'കെജിഎഫ്' മുന്നേറുന്നത്.

    കേരളത്തില്‍ ഏത് ഭാഷാ ചിത്രവും എക്കാലത്തും നേടുന്ന ഏറ്റവും മികച്ച റിലീസ് ദിന കളക്ഷന്‍ നിലവില്‍ 'കെജിഎഫ് 2'ന്റെ പേരിലാണ്. മോഹന്‍ലാല്‍ നായകനായ വി എ ശ്രീകുമാര്‍ ചിത്രം 'ഒടിയ'ന്റെ റെക്കോര്‍ഡ് ആണ് ചിത്രം ബ്രേക്ക് ചെയ്തത്.

    Also Read-Yash | ബസ് ഡ്രൈവറായ അച്ഛൻ, ഓട്ടോ ഓടിച്ച യഷ്; ഇന്ന് യാത്ര ജെറ്റ് വിമാനത്തിൽ

    വന്‍ പ്രീ- റിലീസ് ഹൈപ്പിലെത്തിയ ചിത്രം ആദ്യ ദിനം തന്നെ മികച്ച പ്രതികരണമാണ് കരസ്ഥമാക്കിയത്. കെജിഎഫ് 2ല്‍ യഷിന് പുറമെ ബോളിവുഡ് താരം സഞ്ജയ് ദത്തും പ്രധാന വേഷം ചെയ്യുന്നുണ്ട്. അധീര എന്ന വില്ലന്‍ കഥാപാത്രത്തെയാണ് സഞ്ജയ് ദത്ത് അവതരിപ്പിക്കുന്നത്. രവീണ ടണ്ടണ്‍, മാളവിക അവിനാഷ്, സൃനിധി ഷെട്ടി എന്നിവരും ചിത്രത്തില്‍ പ്രധാന കഥാപാത്രങ്ങളാണ്. പ്രഖ്യാപന സമയം മുതല്‍ ഏറെ ശ്രദ്ധ ആകര്‍ഷിച്ച ചിത്രമായിരുന്നു ഇത്.

    2018 ഡിസംബറിലാണ് ചിത്രത്തിന്റെ ആദ്യഭാ?ഗം റിലീസ് ചെയ്തത്. കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളിലായിരുന്നു റിലീസ്. ചിത്രം രണ്ടാഴ്ച കൊണ്ട് 100 കോടി ക്ലബിലെത്തി. ബാഹുബലിക്ക് ശേഷം ഈ നേട്ടം കൈവരിക്കുന്ന രണ്ടാമത്തെ ചിത്രമാണ് കെജിഎഫ്.

    Also Read-KGF 2 | 'കെജിഎഫ് 2 മൂന്ന് മണിക്കൂർ പീഡനം'; കെആർകെയുടെ ട്വീറ്റിന് ആരാധകരുടെ പൊങ്കാല

    വിജയ് കിരഗന്ദുറാണ് ചിത്രം നിര്‍മിച്ചത്. ഹൊംബാളെ ഫിലിംസിന്റെ ബാനറിലാണ് ചിത്രത്തിന്റെ നിര്‍മാണം. 'കെജിഎഫ് 2' ചിത്രത്തിന്റെ ചിത്രസംയോജനം നിര്‍വഹിക്കുന്നത് 19കാരനായ ഉജ്വല്‍ കുല്‍ക്കര്‍ണിയാണ്.
    Published by:Jayesh Krishnan
    First published: