എന്റെ സിനിമകളിൽ പ്രണയകഥ കണ്ടെത്താനാകുമോ? പ്രണയത്തെ കുറിച്ചുള്ള ചോദ്യത്തിന് ലോകേഷ് കനകരാജിന്റെ മറുപടി

ലിയോയെ കുറിച്ചും വരാനിരിക്കുന്ന സിനിമകളെ കുറിച്ചും നിരവധി ചോദ്യങ്ങളാണ് കോളേജ് വിദ്യാർത്ഥികൾ ലോകേഷിനോട് ചോദിച്ചത്. അതിൽ ഒരു ചോദ്യം ഇതിൽ നിന്നെല്ലാം വ്യത്യസ്തമായിരുന്നു. സംവിധായകന്റെ പ്രണയത്തെ കുറിച്ചായിരുന്നു ചോദ്യം.

കോളേജ് കാലത്ത് പ്രണയമുണ്ടായിരുന്നോ എന്ന ചോദ്യത്തിന് രസകരമായ എന്നാൽ, അൽപം ചിന്തിക്കുന്ന മറുപടിയാണ് ലോകേഷ് നൽകിയത്. ജീവിതത്തിലെ പ്രണയത്തെ കുറിച്ചുള്ള ചോദ്യത്തിനുള്ള ഉത്തരം തന്റെ സിനിമകളിൽ തന്നെയുണ്ട് എന്നായിരുന്നു സംവിധായകന്റെ മറുപടി. “ഞാൻ സംവിധാനം ചെയ്ത എല്ലാ സിനിമകളും നിങ്ങൾ കണ്ടതാണെങ്കിൽ, അതിൽ ഏതെങ്കിലും ഒന്നിൽ ഒരു പ്രണയകഥ കണ്ടെത്താനാകുമോ?” എന്നായിരുന്നു ലോകേഷിന്റെ മറുപടി.