Malaikottai Vaaliban review | സാങ്കേതികതയുടെ ഉരുക്കു കോട്ട കൊണ്ട് കെട്ടിയ വാലിബൻ; കണ്ടത് എല്ലാമേ നിജമാ? 'മലൈക്കോട്ടൈ വാലിബൻ' റിവ്യൂ

കണ്ണുതുറന്നാൽ പൂഴി പറക്കുമെന്നോണം തരിശായി കിടക്കുന്ന അടിവാരത്തൂർ. കേളുമല്ലൻ എന്ന ആജാനുബാഹുവിനെ തറപറ്റിക്കാൻ, കാളവണ്ടിയിൽ കൂർക്കം വലിച്ചുറങ്ങി വന്ന്, ഒരു കുടം കള്ളിൽ ഉറക്കച്ചടവ്‌ മാറ്റി, നിലത്ത് ചമ്രം പൂട്ടിയിരുന്ന്, വായുവിൽ പൊന്തിപ്പറന്നുവന്ന മല്ലന്റെ ഗദ കൈത്തണ്ടകൊണ്ട് തടഞ്ഞ്, നീളൻ മേൽമുണ്ട് വീശി മല്ലനെ വീശിവീഴ്ത്തി ഇൻട്രോ ഇടുന്ന മലൈക്കോട്ടൈ വാലിബൻ (ബാക്ക്ഗ്രൗണ്ടിൽ കയ്യടി). പറയുന്ന വേഗത്തിൽ ഫാസ്റ്റ് അല്ല കാര്യങ്ങൾ. ചടങ്ങ് മൊത്തത്തിൽ കഴിയാൻ സമയമെടുക്കും. പുലിമുരുകന് മൂപ്പൻ എങ്കിൽ, വാലിബന്റെ വീരകഥ കൊട്ടുകൊട്ടി വീമ്പിളക്കാൻ കൂടെ ചിന്നനുണ്ട്, പിന്നെ ആശാനും.